ICE POP 分子雪糕專門店 (已結業)

假日到銅鑼灣Shopping, 行到攰想搵地方坐一坐補充一下體力, 早幾日週圍搵地方飲咖啡時, 發現呢間雪糕店, 今晚一於來試下...門面好光猛通透, 裝修簡潔中帶型格... 雪糕機不停噴煙, 吸引不少途人注足內進...店內人頭湧湧, 好彩仲可以搵到2個位... 報紙又話無人幫襯好慘嘅?大大個餐牌對著街, 好簡單, 只有4個選擇...雪糕一攞到返埋位已經溶緊, 似乎唔係好夠凍...伯爵珍珠奶茶 $42-- 未埋到枱, 珍珠已經碌走咗幾粒, 好Hurt... 伯爵茶茶味淡得好緊要, 雪糕又唔幼滑, 口感似沙冰, 失望...海鹽豆腐 $45-- 豆腐味道又係好淡, 淡到差點食唔出豆腐味, 更唔好妄想會有豆香... 好失望... 枱面黐黐黏黏的, 雪糕跡無人清理... 未知是否繁忙時間所致...店內座位只有High Chair, 太高不好坐, 坐完仲攰過未坐...店內的硬件是齊備的, 唯重中之重"雪糕"卻像欠了靈魂... 可能係我唔識食啩...