楓．新日本料理 (已易手) 新餐廳

剛去完日本，意猶未盡，仲想食日本野，響Facebook 搵到呢間楓．新日本料理, 仲做緊個極尚【澳洲 M5 和牛二人前】套餐，有多種菜色，不同烹調手法，先上沖繩海葡萄澳洲有機菜沙律，有機菜新鮮，海葡萄卜卜脆，口感得意，帶咸味，撈埋菜食，剛好。刺身食材，聽店員介紹，如賓客預早一兩日打去話想食咩魚，店長可向日本築地落單，翌日夜晚就可收到。為客人送上，真係唔洗比機票錢都食到新鮮sashimi築地空運喎，當然咀嚼細膩一番，有油甘魚，有赤貝，切到好似花咁，靚，食入口爽甜。還有一級原材料，包括入口即溶的新鮮油香味濃既拖羅及甘甜海膽，有款特色刺身叫白貝，好鮮甜爽口，外形似象拔蚌。到熟食燒物有京燒銀鱈魚，超鮮甜既魚汁，有兩大厚切，面醃了味噌醬汁，好入味。主角之一，澳洲草飼M5和牛，好大片, 煎至微香, 肉質好淋呀, 有牛油脂肪, 可一嘗日式烹調澳洲和牛, 有肉質感, 不像雪花和牛入口即溶, 另一享受。還有野菜稻庭烏冬同燒芝士年糕, 年糕煙韌, 中間軟滑芝士香, 面有燒汁同芝麻好香口, 還可點上砂糖, 有咸有甜既味道, 好多層次感既甜品, 大讚呀。套餐價 $1,400, 上等食材, 都好合理呀! 隔離枱