丼瀛 (已結業)

今晚真係特別想食日本嘢，所以就去返一間之前都有食過嘅餐廳，試吓佢其他嘢食。🇯🇵〈季節空運（五點）刺身盛〉🐠🐟🦐餐廳話最近有飛機魚刺身，推薦我哋試吓，估唔到食落真係特別新鮮，仲有配埋蘿蔔蓉柚子豉油，更加令到魚嘅味道更加鮮甜。除咗飛機魚，仲有三文魚、油甘魚、帆立貝，同埋赤蝦。〈雞皮餃子〉🐣🥟小食方面，呢款雞皮餃子都幾特別，個皮完全係用雞皮整成，炸到脆卜卜，雞油嘅香味滲入左餃子嘅餡入面。〈茶碗蒸〉🥚🥣茶碗蒸入邊嘅蛋超滑，做法非常傳統，入邊有雞肉、嗚門卷，同埋冬菇。一啖接一啖好快就清晒成碗。〈山椒唐揚雞翼〉🍖🍗唐揚雞翼就食得多啦，但係有加埋山椒粉嘅雞翼就真係第一次食， 一咬落去就已經食得出招華嘅味道，辣辣地，食得好過癮。