影片
更多
2020-06-29
410 瀏覽
又到八婆們聚餐時候，今次決定揀觀塘區，見呢間空間俾較大應該無咁易嘈親人 xD. 雖然一路係觀塘地鐵站行過黎太多人與車，有點兒煩躁，但一步入就好relax既氛圍！餐廳中間係傢俬店，d梳發好似好舒服但千祈要尊重下 店員 唔好笠亂試坐！ 傢俬係日系的文青簡潔設計，木色主調但有一點懷舊feel，雖然價錢都唔平但似乎木既原料幾實淨，呢方面無研究亦無需要，都係食野先！晚餐order main course 就會有套餐，是日餐湯係粟米忌廉，無罐頭湯既味道，亦唔會加太多麵粉而杰tat tat ，幾舒服既暖胃starter雜菜沙律有幾粒帶子刺身 配埋黑醋都幾甜。但可能基本上人人有套餐，所以餐湯同沙律都係有一次性紙碗裝。主菜🐷黑豚豬扒係慢煮版，肉汁得以保存，令到呢塊脂肪都唔多既豬扒完全唔會硬；醬汁方面蘋果蓉好match，但配碟既薯蓉略嫌太稀，牛油未唔出，個人prefer挺身同有薯仔粒的😅🍚松子仁牛肝菌 椰菜花risotto呢個係素食，打算平衡下我地叫既其他肉食。松子仁好香，椰菜花呢個配搭亦唔錯 令我決定自己下次煮risotto都可以抄佢手！但牛肝菌作為靚菌類，味道並不出眾，甚至只剩低口感，唔講唔知係菇菇⋯
餐廳中間係傢俬店，d梳發好似好舒服但千祈要尊重下 店員 唔好笠亂試坐！ 傢俬係日系的文青簡潔設計，木色主調但有一點懷舊feel，雖然價錢都唔平但似乎木既原料幾實淨，呢方面無研究亦無需要，都係食野先！
晚餐order main course 就會有套餐，是日餐湯係粟米忌廉，無罐頭湯既味道，亦唔會加太多麵粉而杰tat tat ，幾舒服既暖胃starter雜菜沙律有幾粒帶子刺身 配埋黑醋都幾甜。
但可能基本上人人有套餐，所以餐湯同沙律都係有一次性紙碗裝。
黑豚肉、松子椰菜花risotto 、芝麻雞翼
43 瀏覽
0 讚好
0 留言
主菜
🐷黑豚豬扒係慢煮版，肉汁得以保存，令到呢塊脂肪都唔多既豬扒完全唔會硬；醬汁方面蘋果蓉好match，但配碟既薯蓉略嫌太稀，牛油未唔出，個人prefer挺身同有薯仔粒的😅
🍚松子仁牛肝菌 椰菜花risotto
呢個係素食，打算平衡下我地叫既其他肉食。松子仁好香，椰菜花呢個配搭亦唔錯 令我決定自己下次煮risotto都可以抄佢手！
但牛肝菌作為靚菌類，味道並不出眾，甚至只剩低口感，唔講唔知係菇菇⋯overall risotto 偏乾身，但份量十足！食極都食唔曬！
🥐珍寶牛角包（芒果/牛油果/三文魚/蛋醬）
非常早餐既組合，但係有驚喜的！牛角包鬆身又好脆，牛油味好香，而且的確很「珍寶」！餡料亦好多，切開係會跌到周圍都係😂芒果肉雖然有少少酸但同成個牛角包配起黎岩岩好消下油膩感，brunch 好選擇
🍗小食既芝麻雞翼可以一試，香口嫩滑，趁熱食如果唔係就會太油。
☕️🍹有基本飲品梳打跟餐，晚餐黎講算幾抵！
最後仲有個小甜品，呢晚既係紅桑莓汁配奶凍，但味道非常一般⋯主要係因為奶凍無乜味，甜又唔係，creamy又唔係，明明係有vanilla籽但無vanilla味。 太飽了，可放棄😂😅
整體黎講係吹水聚會好地方，食物唔錯但某d位有待改善呢。服務員都係年輕既姐姐（妹妹），態度算很不錯，下次可能會日頭黎感受下慢活既下午
張貼
