Awesome Bar & Cafe

營業中

休息中

成日經過尖東 冇仔細睇都冇為意有間咁好hea嘅餐廳響新文華中心 上一條佈滿figures嘅靚靚樓梯就係啦～太開心樣樣都想食唔覺唔覺又叫咗好多😆❣️烤雞牛油果香芒沙律 好有份量嘅一碟沙律 芒果甜同牛油果夠熟 兩樣都比咗成半個 烤雞香草味濃郁 沙律菜好新鮮 最鍾意啲芝麻醬另上 鍾意幾多落幾多❣️德國香腸拼盤配酸椰菜 有一條長長比較幼嘅腸 呢條比較重油香 我自己就比較鍾意粗身啲嘅香草腸 食落夠晒香口 ❣️香辣蕃茄柚子牛柳意大利粉 好多時去cafe食意粉都伏 呢度真係有驚喜 意粉咬落彈牙 個汁有蕃茄碎又帶有香草味 牛柳粒重口味又唔韌 而且份量都好多 仲有啲食用花喺度 影相靚靚❣️波士頓龍蝦燉飯龍蝦大大隻 肉質爽口彈牙有鮮味 細心位係餐廳已經起咗肉 龍蝦嘅鮮味滲落意大利飯意大利飯只係用上湯煮熟 咁就唔會搶咗龍蝦嘅風頭啦❣️提拉米蘇Mascarpone cheese好moist 配埋lady finger好夾Espresso 分開上 食嘅時候淋落個半圓朱古力上面朱古力溶化 咖啡就會留落去 有得食又有得玩❣️心太軟配香草雪糕勁鍾意呢度個心太軟嘅Texture 放耐咗都依然咁流心 外層嘅朱古力