桔梗 (已結業)

記得大約一年幾前食過桔梗，當時係食炸物、意粉同飲咖啡。印象中記得呢度空間闊落，樓底高，坐低傾計最fit。前幾晚再去二訪，發現menu轉左，有款新推出的雙人日式套餐（$528）。食物以台式x日式為主，加清酒一瓶，可惜當晚要揸車，唯有忍痛改飲玄米茶吧。三款小菜及涼拌毛豆京蔥檸檬味豬腩，味道酸酸地好開胃。熱炒魷魚拌明太子醬，魷魚好惹味哦。炙烤鮪魚佐芥末蛋黃醬，日式食材非常台式煮法，半熟鮪魚味道都唔錯。炸雞與台式五味醬，炸雞好juicy。茶漬飯兩碗加糖心蛋，天氣熱食茶漬飯比較清爽。