影片
更多
2024-02-22
252 瀏覽
傳統老食店買少見少，確實要珍惜一下。今次特登相約屋企人嚟食情懷又食味道，有85年歷史嘅「龍華酒店」，舊時真係有套房出租，所以稱之為酒店。50年代明星、名人都係常客。我哋一行四人經過掛滿紅燈籠嘅長走廊，好似進入咗時光隧道，恍如穿越返去50年代嘅感覺。酒店裝修依然保留懷舊格調，牆上掛滿昔日嘅舊相，充滿情懷，唔少電影都喺呢度取景。酒店分兩個廚房，有戶外用餐位置，仲養有鸚鵡同孔雀，店員親切好傾，我哋就叫咗必食嘅龍華三寶：乳鴿、雞粥、山水豆腐花。✥ 龍華脆皮燒乳鴿 $98係龍華嘅皇牌菜式，每位食客嚟到都應該會試。自設養鴿場，揀選唔超過26日大嘅嫩鴿。一開四件都好大隻，係先滷水後炸，香噴噴，表面泛油光，入口皮脆肉嫩，肉厚入味有肉汁，滋味到要落手食，跟傳統一樣拼蝦片。太好味關係，決定外賣一隻返屋企，店員教我想食炸乳鴿，就應該要買滷水，原隻放氣炸鍋170度，面同底分別氣炸七分鐘，果然無失望。✥ 薪火相傳滷水乳鴿 $98乳鴿都有五款烹調方法，我哋就決定試埋滷水，滷水汁香濃，食到由多款香料秘製，滷煮得夠入味，皮緊緻肉嫩多汁。✥ 馳名沙田滑雞粥 (2-3位) $98份量好夠食，每人都有兩碗，粥底好綿夠味，食
我哋一行四人經過掛滿紅燈籠嘅長走廊，好似進入咗時光隧道，恍如穿越返去50年代嘅感覺。酒店裝修依然保留懷舊格調，牆上掛滿昔日嘅舊相，充滿情懷，唔少電影都喺呢度取景。酒店分兩個廚房，有戶外用餐位置，仲養有鸚鵡同孔雀，店員親切好傾，我哋就叫咗必食嘅龍華三寶：乳鴿、雞粥、山水豆腐花。
龍華脆皮燒乳鴿
41 瀏覽
0 讚好
0 留言
✥ 龍華脆皮燒乳鴿 $98係龍華嘅皇牌菜式，每位食客嚟到都應該會試。自設養鴿場，揀選唔超過26日大嘅嫩鴿。一開四件都好大隻，係先滷水後炸，香噴噴，表面泛油光，入口皮脆肉嫩，肉厚入味有肉汁，滋味到要落手食，跟傳統一樣拼蝦片。太好味關係，決定外賣一隻返屋企，店員教我想食炸乳鴿，就應該要買滷水，原隻放氣炸鍋170度，面同底分別氣炸七分鐘，果然無失望。
薪火相傳滷水乳鴿
42 瀏覽
0 讚好
0 留言
✥ 薪火相傳滷水乳鴿 $98乳鴿都有五款烹調方法，我哋就決定試埋滷水，滷水汁香濃，食到由多款香料秘製，滷煮得夠入味，皮緊緻肉嫩多汁。
馳名沙田滑雞粥
145 瀏覽
0 讚好
0 留言
份量好夠食，每人都有兩碗，粥底好綿夠味，食到雞嘅鮮味，雞件份量十足，好耐無試過食粥配搭油炸鬼同生菜絲，回憶返晒嚟。
龍華煎釀手造豆腐
32 瀏覽
0 讚好
0 留言
係傳統菜式，由老闆娘鍾太親手教當年大廚何伯。手造豆腐嘅豆味特別香濃，金黃表層結實，裡面滑嫩，咬一啖，肉同豆腐喺口裡融合，醬汁剛好滲到當中，醬汁味濃又唔會好鹹，伴有小棠菜。
鄉村風味炸大腸
192 瀏覽
1 讚好
0 留言
✥ 鄉村風味炸大腸 $128酒店皇牌推介菜式，一片片長方形嘅切法，炸得酥脆香口，夾雜油香，唔會炸到乾晒，無多餘肥膏黐住，有炸米粉墊底，蘸埋糖醋汁，食到傳統炸大腸嘅味道。
特色乾炒牛河
29 瀏覽
0 讚好
0 留言
✥ 特色乾炒牛河 $138酒店推介係李小龍最愛嘅菜式，夠鑊氣熱辣辣，牛肉大片，配料多，鍾意韭黃同芽菜夠多又爽口，面放蛋絲。河粉炒得條條分明，唔會黐埋一堆，醬油兜得勻，全碟上晒色，唔肥膩，食到最尾碟底都唔會有多餘嘅油凝住。
原味手造豆腐花
19 瀏覽
0 讚好
0 留言
✥ 原味手造豆腐花 (2-4位) $68豆味濃郁，鍾意佢嘅質感滑得嚟比較實在，食到手造嘅感覺，配桂花糖水特別清甜，口味更加芳香。
#龍華酒店地址：沙田下禾輋22號地舖
張貼
