下江南

營業中

休息中

參觀完故宮好攰，唔想周圍搵餐廳就近搵咗呢間下江南食飯果然貫徹故宮文化博物館嘅風格，裝修都係充滿中國風格，門口個裝修好靚餐牌主要有下江南套餐同埋精選二人餐，我哋覺得下江南餐嘅嘢食比較啱食，所以就自選咗兩個下江南餐同埋加咗個驢打滾飲品方面叫咗杯熱咖啡同埋百香青檸烏龍估唔到喺間中式餐廳裏邊，都飲到杯香醇嘅熱咖啡啡而百香青檸烏龍好似結合咗古代嘅茶品同埋現代嘅色彩味道清新，唔算太甜前菜分別叫咗鹽水鴨加花雕醉雞同埋麻辣豬耳仲有四喜烤麩鹽水鴨同醉雞肉質尚算鮮嫩，味道唔算太濃烈，我覺得連老人家都會覺得幾好食另外麻辣豬耳同埋四皮烤麩就相對重口味，麻辣豬耳大塊爽口，而是烤麩個醬汁就幾好食，仲有雲耳主菜第一個係重慶小面，睇得出落足表，好多肉碎同埋花生都幾脆口，充滿中華風采另一個就係火薰玉蓮鴨子飯，醃得好入味，我好鍾意食嗰啲冬菇絲，飯既份量剛剛好最後嗌咗個驢打滾作為我哋嘅甜品，其中一個鍾意食嘅甜品，佢係由糯米卷絕咗啲紅豆餡，而紅豆餡唔會死甜，真係食得出有紅豆嘅味道，，而且滿佈黃豆粉，賣相都幾吸引如果有時間，你故宮博物館參觀完喺度食餐飯都唔錯，附近都有巴士同小巴，交通方便！