川粵時光小廚

營業中

休息中

今日「穿越時光」黎到土瓜灣，去一間叫「川粵時光小廚」嘅餐廳食晚飯。開頭見餐廳有個「川」字重驚d野食會好辣，原來有好多唔辣嘅選擇架！❤️冰鎮咕嚕肉天氣咁熱，好想食凍野降下溫！食個冰鎮咕嚕肉就啱晒啦👍🏻。外層炸漿好脆口！蘸埋d甜酸汁開胃又好味～👍🏻😋重有青椒🫑、紅椒同菠蘿🍍。青椒和紅椒都十分爽脆。食完暑氣全消～🥰❤️金銀蛋桑葉金銀蛋莧菜就食得多，桑葉就未試過。見幾特別就嗌左。除左菜變左做桑葉之外，其他野都同金銀蛋莧菜差唔多。桑葉份量好多，桑葉口感較莧菜「嚡」但都唔錯👍🏻。❤️文昌雞半隻雞肉嫩滑有雞味～文昌雞本身冇乜落調味料，就咁食食到雞味👍🏻。亦可以點洋蔥豉油同吃，添上少少鹹味，更添滋味😋。