影片
更多
2023-09-03
107 瀏覽
❀ 香江花月 #荃灣 ❀❗️穿越50年代火鍋店 粉紅湯底少女心爆燈❗️——————————————————香江花月係我去過最古典優雅嘅火鍋店🤩一走進去，好似穿越到五、六十年代，播住懷舊金曲，擺滿各種復古器具，喺度打邊爐。特別有感覺。餐廳另外仲設有間幻彩燈影房，好似teamLab咁，打卡一流🔥除咗環境復古之外，食物亦有精心擺設，最近仲推出咗以粉紅色為題嘅粉紅夢幻套餐，有多種粉紅色嘅食品，配合近期熱爆Barbie主題，少女心爆燈🥰.✷𝑀𝑒𝓃𝓊✷☞ 粉紅夢幻套餐 $388♥ 粉紅牛乳玫瑰鍋♥ 粉紅墨魚滑♥ 粉紅薔薇(缽仔糕）顧名思義套餐以粉紅色為題💖包括粉紅色嘅湯底、粉紅色嘅配料及粉紅砵仔糕。唔好以為粉紅色好奇怪，牛乳湯底充滿奶香，順滑清甜👌🏻幻彩粉紅色嘅墨魚滑異常地彈牙，仲有粒粒墨魚肉。砵仔糕造成粉紅玫瑰花，一共有三件，表面放上金箔，充滿少女心。雖然口感味道同砵仔糕有點分別，較似椰汁紅豆糕，但都頗香甜美味😚。.☞ 太極兩儀 $428當然唔少得另外再點餐廳嘅特色主食。呢個拼盤能夠一試安格斯牛及梅花豬肉🐮🐷安格斯牛浸以紅酒，而豬肉就用上黑松露牛乳醃製。兩者同樣帶點雪花，有少許嘅油香，更加柔嫩可口。
❗️穿越50年代火鍋店 粉紅湯底少女心爆燈❗️
——————————————————
香江花月係我去過最古典優雅嘅火鍋店🤩一走進去，好似穿越到五、六十年代，播住懷舊金曲，擺滿各種復古器具，喺度打邊爐。特別有感覺。餐廳另外仲設有間幻彩燈影房，好似teamLab咁，打卡一流🔥
除咗環境復古之外，食物亦有精心擺設，最近仲推出咗以粉紅色為題嘅粉紅夢幻套餐，有多種粉紅色嘅食品，配合近期熱爆Barbie主題，少女心爆燈🥰
.
✷𝑀𝑒𝓃𝓊✷
☞ 粉紅夢幻套餐 $388
♥ 粉紅牛乳玫瑰鍋
♥ 粉紅墨魚滑
♥ 粉紅薔薇(缽仔糕）
顧名思義套餐以粉紅色為題💖包括粉紅色嘅湯底、粉紅色嘅配料及粉紅砵仔糕。
唔好以為粉紅色好奇怪，牛乳湯底充滿奶香，順滑清甜👌🏻幻彩粉紅色嘅墨魚滑異常地彈牙，仲有粒粒墨魚肉。
砵仔糕造成粉紅玫瑰花，一共有三件，表面放上金箔，充滿少女心。雖然口感味道同砵仔糕有點分別，較似椰汁紅豆糕，但都頗香甜美味😚。
2 瀏覽
0 讚好
0 留言
0 瀏覽
0 讚好
0 留言
33 瀏覽
0 讚好
0 留言
.
☞ 太極兩儀 $428
當然唔少得另外再點餐廳嘅特色主食。
呢個拼盤能夠一試安格斯牛及梅花豬肉🐮🐷
安格斯牛浸以紅酒，而豬肉就用上黑松露牛乳醃製。
兩者同樣帶點雪花，有少許嘅油香，更加柔嫩可口。
5 瀏覽
0 讚好
0 留言
.
☞ 七彩餃子 $108
☞ 七色丸 $108
繽紛鮮豔嘅餃子及丸子非常吸睛🤩而且款款唔同味，不過害怕色素嘅就唔建議🙈
兩款同樣用古典華麗嘅層架呈上，餃子分別為姬松茸野菌餃、蟹肉黑松露餃、蟲草花餃、金華火腿菜肉餃、和牛香茜餃、午餐肉粟米餃及冬菇替菜餃，可能配搭有點創新，唔係款款啱胃口🥸
相反，七彩迷人嘅肉丸相對好啲🤣
全部都係墨魚丸，不過添加唔同口味，分別為黑松露、鹹蛋黃、紅咖喱、蟹籽、青咖喱、椰芋及南乳口味，真係款款有驚喜！
0 瀏覽
0 讚好
0 留言
1 瀏覽
0 讚好
0 留言
☞ 皮蛋蝦滑 $108
☞ 一帆風順 $98
鍾意食滑嘅我哋忍唔住再嗌多兩款😆
最最最喜愛必定係皮蛋蝦滑😋蝦滑上有半粒皮蛋，供客人自行打爛魚蝦滑撈勻。皮蛋味道突出，同爽口嘅蝦滑撈埋一齊特別夾😚
一帆風順就包括三款唔同嘅墨魚滑，加上秋葵製成帆船嘅外型⛵️
3 瀏覽
0 讚好
0 留言
25 瀏覽
0 讚好
0 留言
.
☞ 飲品
♥ 琥珀誘惑 $88
♥ 花月豪庭 $128
不得不讚佢哋啲飲品都非常精美✨
琥珀誘惑用西柚汁雪成玫瑰形狀嘅冰塊，再倒入橙汁，酸酸地非常清新開胃。
另外花月豪庭表面鋪滿新鮮蜜瓜及奇異果，飲品係藍莓乳酪及蘋果汁，較甜較稠杰。
兩款飲品都係又睇得又好飲💖
21 瀏覽
0 讚好
0 留言
13 瀏覽
0 讚好
0 留言
——————————————————
✨整體味道: 3.8/5
✨環境裝修: 4.5/5
✨服務態度: 4/5
✨性價比: 3.5/5
✨再訪興趣: 3.7/5
.
💞整體來講
呢間火鍋店非常有特色，裝修充滿懷舊風情，食物花盡心思擺盤，令人胃口大開，亦打卡一流😍唯獨有啲加咗色素嘅餃子、丸子相對冇咁啱口味，相信揀返其他配料會更好味☺️
張貼
