影片
更多
2018-07-10
1145 瀏覽
男朋友知道我對三層層架嘅tea set 情有獨鍾，但係又知道我討厭西餐Tea set個種又飽又滯嘅感覺-先來幾件三文治加scone去塞飽你，再用一堆甜份去甜死你我個人比較實際，好睇得來又要好食。竟然比男朋友搵到呢間係海港城隔離港威商場嘅藍象泰國餐廳，下晝兩點半開始有泰式下午茶供應；一路都知道有呢間餐廳嘅存在，但係對佢嘅印象係貴得遙不可及，所以從來都冇考慮過會有機會嚟呢度進餐。.行到港威商場，一眼就望得出紫藍色嘅門面裝修，門口擺放住大大個招牌印住泰式下午茶嘅照片價錢只係$168+10% ，真係冇諗過係尖沙咀呢個地點可以咁抵！.要入到餐廳，先要經過一條時光隧道咁嘅走廊，好有情調！.入到去，我哋比安排坐係窗邊，能夠飽覽維港嘅位置！入到嚟嘅氣氛同出邊截然不同！夾係屈臣氏同萬寧中間，門外堆滿左內地嘅遊客，擠得水洩不通，氣氛喧鬧；餐廳裏面環境幽靜，氣氛輕鬆.餐廳其實都幾大，座位擺得闊落，確保每一台客人都有自己嘅空間。毫不猶豫向侍應生點左一個泰式下午茶（包普通咖啡/茶）。大約10分鐘，食物就上桌。層架比我想像中要矮，精緻嘅鳥籠設計，放咗數十款由鹹到甜都有嘅泰式美食.我哋先由最底層嘅鹹點食起：香脆蝦餅
.行到港威商場，一眼就望得出紫藍色嘅門面裝修，門口擺放住大大個招牌印住泰式下午茶嘅照片價錢只係$168+10% ，真係冇諗過係尖沙咀呢個地點可以咁抵！
.
要入到餐廳，先要經過一條時光隧道咁嘅走廊，好有情調！
.入到去，我哋比安排坐係窗邊，能夠飽覽維港嘅位置！入到嚟嘅氣氛同出邊截然不同！夾係屈臣氏同萬寧中間，門外堆滿左內地嘅遊客，擠得水洩不通，氣氛喧鬧；餐廳裏面環境幽靜，氣氛輕鬆
.
餐廳其實都幾大，座位擺得闊落，確保每一台客人都有自己嘅空間。
毫不猶豫向侍應生點左一個泰式下午茶（包普通咖啡/茶）。大約10分鐘，食物就上桌。
層架比我想像中要矮，精緻嘅鳥籠設計，放咗數十款由鹹到甜都有嘅泰式美食.
我哋先由最底層嘅鹹點食起：
香脆蝦餅、泰式春卷、泰式比利時炸蝦
香脆蝦餅外層炸到金黃色，係脆皮同蝦中間，原來仲包住左一層泰式青醬，味道濃烈惹味
鮮蝦爽口彈牙。泰式春卷將一條切開二，睇到入邊內餡，有粉絲、豬肉、木耳絲，非常豐富足料！咬落去外皮香脆，內餡軟腍，即叫即炸，味道都不過不失。最叫我驚喜嘅係泰式比利時蝦餅，彈牙到我相信掉落枱都會反彈返上嚟！炸物配左泰式酸辣醬，更加開胃.
下午茶時光講求嘅就係休閑，慢活閑聊之中，飲一啖檸檬水，清潔下口腔，繼而享受第二層嘅美食：柚子蟹肉沙律卷、馬可、皇家宮殿蒸餃子。
沙律卷用咗香葉包裹着柚子同蟹肉，柚子微酸左少少，蟹肉嘅比例唔多，但係佢賣相精緻，味道就不過不失啦！乜嘢係馬可？原來係一個泰國宮廷小食，呢度將佢精緻化左，下面放一片鮮甜嘅菠蘿，上面放住一個混合左堅果同埋泰式醬料嘅球體， 醬料味道濃烈， 同菠蘿嘅鮮甜取返一個平衡。宮廷餃子賣相相當吸引！一紫一白嘅小鳥造型，裏面原來包住雞肉同蟹肉，一層厚厚嘅外皮比較煙韌味淡，裏面嘅餡散發住一種好強烈嘅冬陰公調味，好特別，不過如果餡料可以多番少少到比較好。
.嚟到最頂層，係甜品嘅環節。提拉米蘇杯、泰式辣朱古力餅、班蘭撻。
先吃一口tiramisu，質感輕盈，mascarpone忌廉沾上左可可粉，甜度非常適中！斑蘭撻係成個tea set 我最推介嘅一款食物，雖然佢個撻皮稍為腍左，但係佢嘅內餡味道做得非常出色就好似椰汁西米糕白色嗰層嘅味道，不過佢更加軟身同埋香滑，斑蘭味比椰汁味重，非常驚喜！食嘅時候未留意到餐牌，將朱古力餅放入口，散發出嘅除咗甜，竟然係一陣微辣！睇返先知原來佢係泰式辣朱古力，唔好以為呢個配搭奇奇怪怪，其實又好match！不過如果小朋友嚟，就未必適合佢啦！.
係寧靜嘅環境嘆住泰式下午茶，雖然未能一解我對泰國嘅思念，但呢一次嘅體驗就好似皇室成員貴族咁；侍應嘅招待更加令我覺得自己高人一等，食物嘅擺設顯得我哋地位超然！
.吃罷，穿過紫色橋廊，又回到喧鬧繁華嘅真實世界。
張貼
