影片
更多
2016-11-17
924 瀏覽
咁岩經開呢頭，附近除左大排檔就係富臨，幫阿媽拎住幾袋野，去酒樓食野會坐得比較好。下午茶時間唔算太多人，都算坐得寬闊，不過阿姐收野啲速度就好慢，有成幾張枱未執好，呢方面衛生嘛嘛。次次都食蝦餃既我點會唔叫蝦餃，呢度蝦餃都幾大粒，蝦彈牙，皮亦薄。蟹粉小籠包既皮同蝦餃相反，勁厚，而且亳無蟹粉湯汁，內裡肉餡乾，蒸得過火。鹹水角煙韌鹹香，煎釀茄子魚肉鮮美香脆，茄子唔太油膩。牛肉腸粉皮薄嫩滑，牛肉滿瀉，牛味頗濃。想食帶子既我見有蜂巢帶子盒，點知係伏。內裡唔係帶子黎，係肥豬肉，有啲油，入面芋蓉冇味，好失望。
次次都食蝦餃既我點會唔叫蝦餃，呢度蝦餃都幾大粒，蝦彈牙，皮亦薄。
蟹粉小籠包既皮同蝦餃相反，勁厚，而且亳無蟹粉湯汁，內裡肉餡乾，蒸得過火。
鹹水角煙韌鹹香，煎釀茄子魚肉鮮美香脆，茄子唔太油膩。
牛肉腸粉皮薄嫩滑，牛肉滿瀉，牛味頗濃。
想食帶子既我見有蜂巢帶子盒，點知係伏。
內裡唔係帶子黎，係肥豬肉，有啲油，入面芋蓉冇味，好失望。
張貼
