三盞燈茶座 (已搬遷) 新店位置

今日原定去行山，但男友怕我會悶，提議去大澳或長洲行下一樣好舒服，於是我選擇左未去過嘅大澳。到達目的地後，我最關心當然係“食“啦！沿路好多掃街小食，但我想坐低飲杯咖啡歇歇先。剛好經過呢度，老闆娘就走來招呼我地，好熱情咁主動幫我地影相同分享佢嘅經歷。我只點左一款小食同一杯咖啡。小食係煎魚餅，$68六塊(只得六塊和八塊選擇)，初時以為會食吾晒，因為得我一個想食，男友吾肚餓，當小食上台時放下心頭大石，原來好扁細細塊嘅，好香口好多芝麻，無魚腥味，老闆娘話魚肉係佢自己親手打嘅，我覺得如果厚身啲會彈牙好多。咖啡不過不失，慢慢曬太陽hea一個下午，爽！