韓食家 (已結業)

同隻肥野喺Mega Box買完家品，突然痴咗線定啦我，非常極度地想食韓國泡菜，結果見到呢間食店，即刻衝咗入去。店子幾闊落，原來呢度仲有得食韓燒，不過抽風系統似乎要改善一下。真係無呃人，附送嘅3道前菜雖然亦有泡菜，但我都再extra單點多份泡菜，再叫埋泡菜豆腐湯添，嘩正呀！Kimchi怪上身正。Kimchi呢d來貨野，唔洗加工，正正常常，唔腥無雪味。泡菜豆腐湯底微辣帶鮮，豆腐嫩滑，用d湯撈埋落白飯度，添飯呀唔該。肥野叫咗石頭窩飯，好味，飯焦微香，只係略嫌個蛋黃熟咗dd，同d菜絲切得再幼細d就更perfect。