霸王山莊 (已結業)

Happy Friday Dinner 通常都係食日本嘢，但今日心血來潮好想食小籠包!突然間發現所在嘅商場竟然有間霸王山莊，我哋二話不說就走左入去。出奇哋星期五晚竟然唔駛等位，一入到去可以坐張四人枱。我哋叫咗前菜雙拼(蒜泥白肉拼雞絲粉皮)：佢秘製蒜泥醬好惹味，點咗醬嘅白肉加埋墊喺底嘅粉皮一齊食簡直一流！雞絲粉皮同樣好食，但無咩特別。蔥爆羊肉 - 味道唔錯！唔算好油，唔算好咸，不過不失！黃金四季豆 - 諗住試吓新嘢唔食干扁啦，點知中伏。四季豆炒得唔夠乾身，蛋黃完全無味，認真麻麻！擔擔麵 - 我哋點咗粗麵，好彈牙真係估佢唔到，但湯底味道普通。小籠包 - 完本諗住點蟹粉小籠包，點知未有，唯有點返正常版。皮薄多汁，一個字好味！