海南小廚 (已搬遷) 新店位置

細既生魚酸菜魚，小辣，味道唔錯！d魚都好少骨，有都多數係大條既骨。有埋薯粉係底，可惜我唔鍾意食薯粉。小辣唔係好夠辣，下次要再叫辣d。我以前係大陸食過d酸菜魚好好味，雖然呢個都唔錯，但總係搵唔返果隻味咁。而且間間店既酸菜魚做法都唔同，個湯底到到都唔同味，都唔知試到幾時先搵得返果隻味啦😞例牌芥辣手撕雞，普通啦，可以再滑d，wasabi可以再辣d，加d海蜇添就好喇！尖椒皮蛋，正呀！呢個比手撕雞好食😋題外話係d餐具好油淋淋，洗得唔夠乾淨呀，希望佢會注意下。