北方餃子源 (已搬遷) 新店位置

轉左工之後，多左好多機會黎尖沙咀佐敦一帶搵食。今日放工唔知食咩好，於是行下佐敦睇下有咩特色小食。當見到呢間小店既時候，發現之前好似響灣仔見過，而剛好特六點幾到既時候又無咩人，所以我就一個人入去試試！由於我有選擇困難，呢度既餐牌設計非常貼心，餃子有5粒或10粒版本，我可以每款點5粒試試《韮菜豬肉餃》熱辣辣既煎餃子即叫即煎，外層煎得金黃香脆，雖然餃子皮較厚身，但仍十分香口，感覺唔會好肥膩，而中間既餡料都好足料，漲卜卜又juicy!!韮菜同豬肉比例平均，味道香甜惹味！《鮮蝦韮黃豬肉餃》點完先發現，其實同上面既餃感覺差不多，只係多左蝦，所以價錢會再貴啲啲，但同樣咁好味！值得一提，店員哥哥非常友善，我問長問短問左好耐佢都好有耐性解答