Lumen Cafe (已結業)

放工去左飲左杯波霸鮮奶，好正！但係晚餐係個到食嘅時候，啲叉燒拉麵重味精，舊叉燒有啲難食，餐飲嗌左杯咖啡，無乜水準，勁淡無咖啡味，罐裝雀巢咖啡仲好飲，收得呢個價錢希望咖啡水準可以提升。但係呢值得一讚嘅係個鹹蛋牛角酥 真係好好食 鹹蛋醬係個牛角包入面流出嚟而且唔油膩 仲好香好脆自問腸胃有啲不濟，食完個拉麵之後返屋企真係有啲肚痛勸喻各位腸胃唔好唔好試。仲有我唔明點解餐廳會有員工着拖鞋露腳趾整體而言我覺得餐廳嘅環境衛生同埋咖啡應該有待改善 但係牛角酥真係值得一試。