峴港越式料理 (已結業)

觀塘近幾年既轉變都好大，最特別係工廈餐廳，各種各樣菜式任君選擇，而且水準都相當唔錯。今次唔打唔撞就試試一間叫峴港越式料理，店內裝修光線明亮，環境舒適。星期六午市套餐去到中午2點半，今次未能一嘗，今次選擇了以下食物。雞肉湯河- 雞肉滑，河粉滑，湯底味道清甜。春卷撈檬 - 春卷皮薄，即叫即炸，香趣可口，檬粉同出面一啲越南餐廳不同，有點似米線。芒果雞肉紙卷 - 芒果唔酸有點甜味，配上雞肉同其他蔬菜感覺清新而不油膩。鹹檬梳打 - 唔太甜唔太酸，味道剛剛好。整體感覺唔錯，可以再來，員工很有禮，舖頭環境整潔，食物品質都唔錯。有興趣可以去試下。