齊柏林熱狗店 (鱟地坊) (已結業)

已經唔係第一次幫襯，上次見啲熱狗相幾吸引，就試一次，叫左款肉醬。肉醬對我黎講辣左啲，店員問我意見，我照直講。佢話係特別加辣，要同外間不同，做出獨特風格，Respect!成隻狗好juicy，即叫即做熱辣辣，製作用心，不過時間稍長，炎夏季節在店外等候頗有挑戰性。小食粟米杯香甜，不過甜度可以略減，未必人人接受，估計冬天會受歡迎。今次就試左美式洋蔥圈熱狗，無乜驚喜，洋蔥圈同熱狗腸唔多夾，只有提升層次感嘅作用，女仕食呢款會比較狼狽。冰菠蘿，非常港式，夏天恩物，可惜唔夠冰。士林食街轉手頂讓，損手離場者眾，要站穩腳相當困難，估計此店已殺出一條血路，若然繼續進步，呢隻Zeppelin飛船可以衝上雲宵