影片
更多
2018-12-14
76 瀏覽
聖誕節，藍妹同姊妹都各有節目，決定提前慶祝。🎉「Chez Bistro」，聽個名好似幾高級咁。係樓下等lift等左好耐先上到去，果到麻雀雖小，但環境唔錯。微弱燈光下，睇到牆上用粉筆畫左Merry Christmas既圖畫，幾靚幾有氣氛。🥰—Waiter細心地介紹3款包比我地，每人揀一款，就可以開動啦。枱上面有枝橄欖油同黑醋，可以根據自己既喜好去點包食。藍妹揀左牛油軟包，暖暖地，點少少橄欖油去食。😊—之後我地每人揀好左餐之後，就傾住計等上菜啦。首先黎既係前菜。蒜蓉白酒煮法國藍青口原本藍妹麻麻地青口，但係個蒜蓉白酒汁真係好香甜，就因為個汁出色，藍妹食左好多呢。😋—法國生蠔慶祝聖誕，豪少少，加200幾蚊就可以有個生蠔。蠔唔算好肥，但都叫大隻，賣相好之餘，味道亦新鮮。「芝」少少檸檬汁帶出鮮味，完美！😍—周打魚湯個湯係全晚最普通既，可能唔岩藍妹口味。覺得好淡，魚肉偏少，但洋慕極多，點「不」都會食到洋蔥。😱—等左一段時間，主菜終於到啦。（藍妹只講兩樣食過既）炭燒西班牙伊比利亞帶骨豚(100%全橡果)伴大啡菇, BB菠菜配葫蘆瓜蓉個名真係好長😵呢個係姊妹點既，藍妹只係試左少少。豬肉好嫩，肉汁充足，冇
「Chez Bistro」，聽個名好似幾高級咁。
係樓下等lift等左好耐先上到去，果到麻雀雖小，但環境唔錯。
微弱燈光下，睇到牆上用粉筆畫左Merry Christmas既圖畫，幾靚幾有氣氛。🥰
—
Waiter細心地介紹3款包比我地，每人揀一款，就可以開動啦。
枱上面有枝橄欖油同黑醋，可以根據自己既喜好去點包食。
藍妹揀左牛油軟包，暖暖地，點少少橄欖油去食。😊—
之後我地每人揀好左餐之後，就傾住計等上菜啦。
首先黎既係前菜。
蒜蓉白酒煮法國藍青口原本藍妹麻麻地青口，但係個蒜蓉白酒汁真係好香甜，就因為個汁出色，藍妹食左好多呢。😋
—
法國生蠔慶祝聖誕，豪少少，加200幾蚊就可以有個生蠔。
蠔唔算好肥，但都叫大隻，賣相好之餘，味道亦新鮮。
「芝」少少檸檬汁帶出鮮味，完美！😍
—
周打魚湯個湯係全晚最普通既，可能唔岩藍妹口味。
覺得好淡，魚肉偏少，但洋慕極多，點「不」都會食到洋蔥。😱
—
等左一段時間，主菜終於到啦。
（藍妹只講兩樣食過既）
炭燒西班牙伊比利亞帶骨豚(100%全橡果)伴大啡菇, BB菠菜配葫蘆瓜蓉個名真係好長😵
呢個係姊妹點既，藍妹只係試左少少。
豬肉好嫩，肉汁充足，冇騷味。😚
—
炭燒美國極佳級純種黑毛安格斯西冷扒配芝麻剝皮辣椒，紅酒汁再一次，賣相好吸引，肉既香味傳入鼻。
Waitress會問想要咩芥末醬，佢講完一次藍妹聽到一頭霧水，決定試哂3樣。
切開塊肉睇睇！🧐
藍妹要5成熟，切開係好靚既粉紅色。食扒最怕就係血淋淋，呢個抵讚。🤭皮燒得好香，肉質軟熟，肉汁同紅酒汁好夾。
不知不覺就食哂成塊。😳
不過要提一提，上面啲芝麻剝皮辣椒辣到飛天，咬左一啖即刻要用水沖佢落肚。😰
—
食完主菜點少得甜品呢。
法式窩夫配焦糖汁伴雪糕窩夫超級脆，如果怕太甜既人，呢個岩哂啦，完全唔會甜，只係有少少既糖味。
配埋雪糕食，一冷一熱，一脆一軟，口感一流。😌
—
自製低溫焗原味芝士蛋糕藍妹冇聽過低溫焗芝士蛋糕，食落去其實同平時既冇乜分別，唯一係口感更加軟滑。😊
芝士既香味濃郁，會係口腥徘徊一陣。🤤
—
呢間西餐廳食物絕對合格，藍妹最欣賞既，反而係佢既氣氛同服務，令人食得舒服，食得安心。😌
張貼
