Cafe Charm's (已結業)

同朋友係紅磡食完飯 仲想食甜品 見到呢間cafe 所以就入左去 環境都唔錯 啲歌好岩聽 好岩幾個朋友坐低一齊傾計 有好多唔同既窩夫 焦糖窩夫 香蕉窩夫 士多啤梨窩夫etc...最後叫左士多啤梨窩夫 因為個賣相最吸引xdd另外仲叫左杯薄荷朱古力 先嚟左杯朱古力 上面有個熊仔既拉花 可愛到唔捨得飲   啲朱古力好滑 仲有好濃薄荷味 就好啲薄荷朱古力雪糕咁 好好飲之後就到士多啤梨窩夫 賣相真係好靚 有球士多啤梨雪係中間 窩夫上面就放左士多啤梨同cream 切一舊窩夫加埋啲雪糕食 一熱一凍 個口感好正 個窩夫仲要係脆嫁添  個碟上面仲有啲士多啤梨醬 但我覺得個醬太甜唔太好味 總括嚟講 個窩夫係有水準既 好耐都冇食過咁好味既窩夫