一糖 (屏山)

營業中

休息中

喺呢度食咗幾次野 第一次寫食評 因為真心覺得食過咁多地方嘅窩夫呢間算係有質素 價錢親民 地點方便 就喺正西鐵站隔離 之前試過紫薯窩夫同埋綠茶窩夫都唔錯 今日食石板街窩夫 賣相好靚 面頭有棉花糖嘅裝飾 口感煙韌 好似食麻薯嘅感覺 朱古力底嘅窩夫可以再重啲朱古力 又或者係窩夫中間夾一層朱古力軟心 咁就可以多重舌頭上享受 但佢本身嘅質感已經好好食 好過好多好貴嘅窩夫店 另外配左個朱古力雪糕補返數叫咗啲街頭小食 有腸粉燒賣加咗咖喱汁 但我覺得吳加都好食 因為佢個咖喱唔係特別出色呢度有戶外嘅位置可以坐 又有車位可以泊 大家就算唔搭西鐵 揸車嚟都好方便