Waffills (已結業)

放假又出黎行下街，去完灣仔買電腦野就行左過黎銅鑼灣，行左陣lee garden嘅名店後，決定食下甜品開心下。黎左食waffills，顧名思義食窩夫啦。見餐牌上呢個幾吸引，就點先～包裝簡潔反轉係logo打開後，咦～同張圖唔一樣嘅！？變左格仔餅雪糕批 雪糕香蕉味甚濃，仲有啲蛋糕係入面，好好味！！唔使切成個拎住食啦～！另外友人叫左呢個朱古力焦糖杏仁窩夫，賣相不錯。窩夫鬆脆香口，即叫即制熱辣辣，一球雲呢拿一球朱古力雪糕，兩者同樣香滑味濃，連窩夫正係好正！小店室內頗熱，正好食雪糕降下温，唔錯唔錯。