滑蛋仔 (已結業)

最近兩晚都同朋友去咗食位於小西灣嘅滑蛋仔飯，佢哋只賣自選配料嘅滑蛋蓋飯，而且只開晚市幾粒鐘，但係依然帶唔少回頭客，我哋就係其中之一。配料選擇帶七款：豬、牛、雞、蝦、墨魚同鰻魚，我哋試咗其中六款，六款相當令人滿意。豬扒焦香又不失軟嫩，雞扒皮脆得嚟肉質唔老，牛肉更加冇得彈，牛味爆棚，絕對對得住佢個名 － 牛魔王。海鮮部分亦非常帶水準，鳳尾蝦富有彈性，相當惹味。鰻魚調味啱啱好，日式醬汁味道豐富。麻香墨魚亦十分驚喜，夠麻又唔會太辣，做到齒頰留香。幾種配料嘅共通點就係相當足料，大大份！最重要嘅係蛋亦都做得好好，蛋香濃郁又綿滑，一啖飯配上蛋及醬汁入口 － 簡單、直接、好食！不得不提醬汁，絕對係畫龍點睛，令人回味。另外，店家服務亦相當好，有禮貌又貼心，食得相當舒服。外賣都好快有，老闆怕我哋唔飽仲特登加飯俾我哋，十分窩心！餐牌上嘅麻香雞扒，主廚推介同芝士我哋都未試過，大家不妨去試下：）