Star Kitchen (已結業)

通常喺香港，多數都係西式、中式、日式、韓式等等，但係竟然比我搵到一間愛爾蘭菜嘅小店，餐廳老闆喺愛爾蘭生活左10幾年，將愛爾蘭嘅特色帶咗返嚟香港。老闆介紹左愛爾蘭傳統香酥鴨，有少少似片皮鴨，但係就用咗生菜，所以食落去唔會油膩，而鴨肉就切碎左再炒，非常香脆。另外仲叫咗都柏林BBQ豬肋骨配蜜糖薯條，豬肋骨非常之軟淋，醬汁唔會太重口味，冇蓋過肉味，老人家同小朋友都鍾意食。重點推介餐廳嘅甜品，全部都係老闆親手整，佢哋嘅Tiramisu 同心太軟都係低糖嘅，食落去一啲都唔膩，亦都好啱鍾意健康嘅女士們。