影片
更多
2017-06-15
82 瀏覽
早陣子聽幾個朋友推介 話有間廚師發辦$650就已經好飽同埋好抵食，所以我就book左枱同朋友食。當慶祝自己生日！對自己好啲既方法就係食好啲啦！再加一都係$715～平時見啲廚師發辦平均都要1000蚊啦！一入餐廳見到有一列既吧台，可以望住師傅整壽司刺身真好！幸好我地都安排到坐吧台，之後仲見到佢地為我地摺既字係我地名的～依間餐廳仲有一個特點係由日本人主理的，見住師傅講日文就特別代入到自己置身係日本呢！不過有女侍應係識廣東話的，所以吾怕吾知自己食緊咩～好貼心！而依個$650既set係有前菜、刺身、燒魚、蒸物、壽司6貫+卷物、味噌湯、清酒/甜品，就是豐富！仲要所有都係用季節食材同埋當造既刺身！先嚟左前菜先，一睇就係好full仲有幾colorful~生粟米好甜好爽。三文魚明太子好似蓉狀，可能因為明太子關係味道偏咸，但可配以側邊既炸蓮藕片一併食可以中和！之後仲有芥末八爪魚，微微芥末味，少食更多滋味呢！跟住就係金山寺味噌，好日本既味道，我諗日本人都會常食依啲醬料去配飯或調味，我就伴青瓜食，一清爽一咸香！仲有壽字的器皿入面係辛塩魷魚刺身，味道有啲似螢光魷魚既味道，幾濃味！仲未完啊。。。下面係松前漬，由魷
一入餐廳見到有一列既吧台，可以望住師傅整壽司刺身真好！
幸好我地都安排到坐吧台，之後仲見到佢地為我地摺既字係我地名的～
依間餐廳仲有一個特點係由日本人主理的，見住師傅講日文就特別代入到自己置身係日本呢！不過有女侍應係識廣東話的，所以吾怕吾知自己食緊咩～好貼心！
而依個$650既set係有前菜、刺身、燒魚、蒸物、壽司6貫+卷物、味噌湯、清酒/甜品，就是豐富！仲要所有都係用季節食材同埋當造既刺身！
先嚟左前菜先，一睇就係好full仲有幾colorful~
生粟米好甜好爽。三文魚明太子好似蓉狀，可能因為明太子關係味道偏咸，但可配以側邊既炸蓮藕片一併食可以中和！之後仲有芥末八爪魚，微微芥末味，少食更多滋味呢！跟住就係金山寺味噌，好日本既味道，我諗日本人都會常食依啲醬料去配飯或調味，我就伴青瓜食，一清爽一咸香！
仲有壽字的器皿入面係辛塩魷魚刺身，味道有啲似螢光魷魚既味道，幾濃味！仲未完啊。。。下面係松前漬，由魷魚絲、昆布組成，口感其實有啲似中華沙律，因為有啲昆布。
前菜
8 瀏覽
0 讚好
0 留言
第一次寫前菜寫甘大篇幅，完全反映到我當時食既感受，就係好多食甘耐都仲有既感覺
之後就係刺身啦，有兩款！首先食左白身魚先，深海池魚，肉好鮮美帶甜！
旁邊原來係黃肌生鮪，係來自和歌山縣勝浦市產，就係吞拿魚來的！
口感比較腍，但魚香好足，仲一啲都吾會腥！完左壽司就有一個蒸魚，係左口魚菜卷！
睇落完全睇吾出係魚卷，其實外面係魚，入面有荷蘭豆、蛋、蘿蔔！下面仲有個雜魚丸，仲有個茨汁提味添！食完刺身暖暖胃都幾好！跟手上埋燒魚啦，當日係有鹽燒太刀魚。
鹽燒太刀魚
12 瀏覽
0 讚好
0 留言
我認為既重頭戲終於到了，係壽司6貫+卷物！
有石垣鯛、辛塩左口魚、炙燒左口魚邊、深海池魚、甜蝦、三文魚籽及道明寺櫻餅作卷物（中間有鰻魚）
其中我覺得好特別同埋都係我既alltimefav就係炙燒左口魚邊，係比較厚身既。
炙燒左口魚邊
4 瀏覽
0 讚好
0 留言
另外甜蝦面頭仲唧左啲蝦膏落去，好細緻！
最後既道明寺櫻餅都好特別，外面係糯米甘樣，內面包左一塊仔既鰻魚，暖暖地幾軟糯！睇落似甜品，但其實係咸點！
最後另外一個亮點係甜品，有四款，勁正！
甜品
7 瀏覽
0 讚好
0 留言
砂糖長崎蛋糕係日本既土特產，估吾到omakase都有得食，仲cut到有星星形狀添！吾小得係水果，有甜甜的既菠蘿！整體真係好滿意，所有野都好高質，另外亦睇得，擺盤同埋食物既外型都好靚好精緻！
張貼
