日本洋食屋 翔 (已結業)

今日去荃灣元荃古道行山，行山前當然要食個豐富午餐先啦😚～ 咁近荃灣中心，就去搵下嘢食先～ 見到日本洋食屋「翔」，新開試業中，但都好滿座，決定試下～ 店舖細小，由一對日本夫婦主理，好像家庭式經營，但更細心，更有人情味～ 好多款日式食物，飯、意粉、pizza、牛扒都有，我地試咗美國西冷牛扒定食，同自家製漢堡扒拼日本香草腸定食～ 美國西冷牛扒定食 $118製作需時，但係都係值得嘅，好大塊牛扒呀😍 煎得好靚，七成熟，剛剛好，肉質淋，充滿牛香，配合特製的燒汁非常好味😋，另有沙律，白飯，都好好味～自家製漢堡扒拼日本香草腸定食 $88賣相唔錯，漢堡扒好厚，好淋，好好味，加上肉醬更正，配上白飯一流👍🏻 香草腸亦係好特別，又香又好味～ 估唔到荃灣中心都有高質素嘅日本美食，小店更加應該支持💪🏻 老闆娘嘅親切服務態度，令人覺得好窩心☺️ 大家有時間都可以去試吓👍🏻