麵家山下 (已搬遷) 新店位置

當拉麵風吹遍香港，隨街順手拿來都係拉麵店，但係作為一個新界人，想食一碗好既拉麵並唔算太多選擇。聯和墟既爵士拉麵相信大家都耳熟能詳，好並唔係唔好，只係食左咁多年都係得一家，確實需要一新口味！其實都算專程去試，不過係抱住隨緣既心態。臨收舖前半小時去到，為免阻住店家收舖，點完就快快上二樓雅座等食！兩個人一人嗌左一碗拉麵，我就味噌，湯底好濃，好香，少少咸同少少油膩。男朋友要鹽拉麵，都好正，不過詳細味道要問佢喇。不得不提叉燒真係good，每片都好薄好入味！到個雞軟骨，都好味，不過醬汁偏少。至於杯乳酸。。。呀。。。確實唔太對口味。