影片
更多
2019-05-09
149 瀏覽
窩心CAFE今日同朋友去旺角食飯，噉就上op搵下睇下咩好食啦，本來BOOK枱先的但就得閒就落緊雨，今日放工後攰攰地，又唔想周圍行所以直接上咗去先。原來兩邊都有升降機可以上去都好方便，由升降機出門行過條走廊都算光猛，呢啲舊式嘅大廈好似睇緊警匪片一樣，好有feel。入到裏邊，非常乾淨無任何異味，牆身裝飾仲好特別。坐低先知道BOOK枱有優惠，walk in就要正價，點知個服務員好好噉樣同我哋講都可以畀返啲優惠我哋，（窩心第1擊）。服務員就攞個餐牌畀我哋睇，上邊都多選擇，主菜單都有成7款選擇，另外加錢又可以再加啲小食比普通正價嘅小食要平。朋友就揀咗煙三文魚黑松露意大利飯，我都揀左煙三文魚黑松露意大利飯但係我今日唔係咁想食飯想改意粉就同服務員講可唔可以轉意大利粉，佢即刻話要搵廚師傾傾先，好快佢就即刻返轉頭回復我話可以。之後我哋再點一個雞翼山嘅小食和追加一個薯條小食，今日我想食芝士所以問下服務員可唔可以幫手喺啲薯條上面加芝士，佢好快即刻就話畀我聽可以，雖然，餐牌上面冇但係都可以幫你加芝士，超幸運，好似去咗食深消食堂一樣，叫乜都可以煮到（窩心第2擊）。煙三文魚黑松露意大利飯煙三文魚黑松露意大利，估唔
今日同朋友去旺角食飯，噉就上op搵下睇下咩好食啦，本來BOOK枱先的但就得閒就落緊雨，今日放工後攰攰地，又唔想周圍行所以直接上咗去先。
原來兩邊都有升降機可以上去都好方便，由升降機出門行過條走廊都算光猛，呢啲舊式嘅大廈好似睇緊警匪片一樣，好有feel。
入到裏邊，非常乾淨無任何異味，牆身裝飾仲好特別。
坐低先知道BOOK枱有優惠，walk in就要正價，點知個服務員好好噉樣同我哋講都可以畀返啲優惠我哋，（窩心第1擊）。
服務員就攞個餐牌畀我哋睇，上邊都多選擇，主菜單都有成7款選擇，另外加錢又可以再加啲小食比普通正價嘅小食要平。
朋友就揀咗煙三文魚黑松露意大利飯，我都揀左煙三文魚黑松露意大利飯但係我今日唔係咁想食飯想改意粉就同服務員講可唔可以轉意大利粉，佢即刻話要搵廚師傾傾先，好快佢就即刻返轉頭回復我話可以。
之後我哋再點一個雞翼山嘅小食和追加一個薯條小食，今日我想食芝士所以問下服務員可唔可以幫手喺啲薯條上面加芝士，佢好快即刻就話畀我聽可以，雖然，餐牌上面冇但係都可以幫你加芝士，超幸運，好似去咗食深消食堂一樣，叫乜都可以煮到（窩心第2擊）。
煙三文魚黑松露意大利飯煙三文魚黑松露意大利，估唔到煙三文魚同黑松露都可以咁夾，黑松露好香，配上飯同意粉，都非常好味。
一口雞翼餐山，原來佢哋事先將雞翼一分為二係食上去時間就非常方便，同埋味道十足因為可能隻雞翼一分為二容易將d味索左入去裏面。
芝士脆炸薯條，薯條夠脆，再配溶咗嘅芝士特別美味。
淨係食到呢個位都覺得，可以再嚟。
臨走埋單後睇返張單真係幫我哋做咗啲優惠，平均每人＄150左右，座足3⃣️個半鐘，十分超值。（窩心第3擊）
服務員係我哋踏出，餐廳之後，就再即刻提醒我哋左手邊近地鐵站右手邊近火車站非常體貼。（窩心第4擊）
又入去到成個晚餐用完之後都非常開心，下次必定再去。
張貼
