廣記粥店

營業中

休息中

又係我！我再次出現喺呢度就知道我又病啊！廣記係我每次病咗想食野嘅避風塘，成條街差唔多一式一樣嘅冰室，難得仲有間20年不變，地方帶一點污糟邋遢嘅舊式粥品店。其實我每次嚟食嘢都一成不變，平時成日銅鑼灣尖沙咀旺角大魚大肉，一病就回歸平淡，鹹魚白菜🥬見到鹹魚白菜就諗起鹹魚蒸肉餅，咁今晚轉下口味食蒸飯啦！不過今晚淨係賣剩鳳爪排骨飯，鳳爪味道還可以，排骨真係好肥，肥到差啲見唔到肉同埋蒸飯比較乾身唔夠豉油。但其實你呢度嘅主角係要食炸兩，在直接啲講係混醬，因為我好鍾意將三種醬，麻醬甜醬辣醬 撈埋一齊肥死人！但係病人就係要食重口味嘅嘢吖嘛！