定食8 (已結業)

葵青荃灣區的窮L們有福了！爭鮮旗下的「定食8」登陸荃灣了，今日新開張！所有定食均一價$48 (另需加一), 選擇都幾多種！啱哂日日想試新嘢的朋友。要提的係白飯🍚味噌湯任添，全自助形式唔使怕醜，啱哂大胃食極唔飽的你。味噌湯唔係沖粉，食到粒粒的白蘿蔔同有魚味，絕不欺場！另性價比高的小食都係二三十蚊，啱哂要儲錢買樓的人！定食8創先提供「15分內鐘送餐」服務保證，如餐點未能於十五分鐘內送到，會送一張免費套餐券比客人下次用番 ... 同食個快餐差不多，啱哂香港人乜都要快！試過果然夠哂快！豪華海景丼 ($48)都有八款以上海鮮，可以叫做無敵海景呱。魚生新鮮，除左三文魚蟹棒希靈魚外，仲有我至愛的帆立貝，不過飯可以凍番D, 咁就更啱夏天🌞食鹽燒牛扒 ($48)牛扒切好十分鮮嫩，無乜點醃過所以不會成口味精，點埋鹽送飯一流, 高質高質！食落很有肉汁，不會痴牙呢！男朋友是個牛魔王，啱哂佢！燒大蝦 ($30)蝦肉彈牙又爽口，個蝦殼燒到好脆，媲美坊間的串燒店，CP值超高！抵呀呢個😚廣島炸蠔 ($20)這個同是CP值很高的，即炸熱辣辣令人流哂口水！同一個小食出面至少要五六十蚊，放心，咁平唔是伏來的😎每個定食仲包埋