影片
更多
2018-10-31
146 瀏覽
食壽司坐係度食就試得多，香港立食就未試過，今次拉埋男朋友去試下～地點位於旺角，相當方便。去到門口已經人頭湧湧，果然有尖沙嘴另一間分店既影子。稍等片刻就可以入去。位置任君選擇用餐位置都尚算足夠，桌面分別有幾盅，分別就係綠茶粉，芥末以及豉油。都係以自助形式，客人自行決定份量～餐牌圖文並茂，加上係壽司師傅後面都有一排木板分門別類排好食材及價錢，價錢都大眾化，主要吸引上班一族及學生。我同另一半諗左一陣就決定好食咩～一邊觀賞壽司師傅手藝一邊等食，時間都幾快過～更加可以見到食材櫃內既食材，都幾新奇！直接入主題！先黎就係櫻花蝦玉子燒；一碟兩件～外脆內軟，酸甜並致；原隻櫻花蝦收藏係玉子燒入面，再外加少許千島醬，味道更加開胃，玉子燒上面既魚籽相當飽滿，整件一口吞簡單可以以香味繞舌形容！由最頂特選三文魚盛合及中間有立鮨特上壽司拼盤，底部分別有秋刀魚三點壽司盛合，及築地白烏賊壽司。由左上開始分別有火炙魷魚海膽壽司，火炙北海道帶子壽司，鰻魚壽司以及火炙左口魚邊壽司大滿足海膽特盛；一座小山丘，袖珍而搶眼！加拿大海膽配以赤醋壽司飯，海膽超多，加上海膽質素尚算唔錯，淡淡海水鹹味再加上微微酸既壽司飯，三兩下就食哂，值
稍等片刻就可以入去。位置任君選擇
用餐位置都尚算足夠，桌面分別有幾盅，分別就係綠茶粉，芥末以及豉油。都係以自助形式，客人自行決定份量～餐牌圖文並茂，加上係壽司師傅後面都有一排木板分門別類排好食材及價錢，價錢都大眾化，主要吸引上班一族及學生。我同另一半諗左一陣就決定好食咩～
一邊觀賞壽司師傅手藝一邊等食，時間都幾快過～更加可以見到食材櫃內既食材，都幾新奇！
直接入主題！
先黎就係櫻花蝦玉子燒；一碟兩件～外脆內軟，酸甜並致；原隻櫻花蝦收藏係玉子燒入面，再外加少許千島醬，味道更加開胃，玉子燒上面既魚籽相當飽滿，整件一口吞簡單可以以香味繞舌形容！
櫻花蝦玉子燒
21 瀏覽
0 讚好
0 留言
櫻花蝦玉子燒
20 瀏覽
0 讚好
0 留言
由最頂特選三文魚盛合及中間有立鮨特上壽司拼盤，底部分別有秋刀魚三點壽司盛合，及築地白烏賊壽司。
由左上開始分別有火炙魷魚海膽壽司，火炙北海道帶子壽司，鰻魚壽司以及火炙左口魚邊壽司
鰻魚壽司
17 瀏覽
0 讚好
0 留言
大滿足海膽特盛；一座小山丘，袖珍而搶眼！加拿大海膽配以赤醋壽司飯，海膽超多，加上海膽質素尚算唔錯，淡淡海水鹹味再加上微微酸既壽司飯，三兩下就食哂，值得一讚地方壽司飯軟硬適中，煮飯技巧拿捏非常一流！
大滿足海膽特盛
26 瀏覽
0 讚好
0 留言
鮟康魚肝壽司；呢個壽司我自己好少見到壽司店有得食，見到當然要點黎試下啦，味道好特別～魚肝配以紅酒蕎頭，做法幾特別，紅酒蕎頭可以中和魚肝既油膩感，口感更加有兩重，一軟一脆。魚肝味道極似鵝肝，個人甚至覺得比鵝肝更好味！
鮟康魚肝壽司
15 瀏覽
0 讚好
0 留言
鮟康魚肝壽司
27 瀏覽
0 讚好
0 留言
火灸左口魚邊壽司；火炙呢個名詞往往令我好吸引，一來聞到好香既燒魚既獨別香味，二來放入口既時候會感受到外熱內冷既特別感覺！左口魚火炙最好不過～將皮邊燒脆及油脂迫出，加上最後以柚子油醋及蔥花點綴，令到風味獨特！
火灸左口魚邊壽司
27 瀏覽
0 讚好
0 留言
火炙魷魚海膽壽司；火炙魷魚壽司食得就多，加埋燒海膽上面都係第一次試，師傅將海膽燒到少少?邊～少少脆口，感覺好新鮮，味道似芝士！其次將魷魚界花，刀法似中式既麥穗花刀，外形加分之餘，整件壽司高貴好多，魷魚味道爽口，新鮮以及加左淡口醬油，略略偏鹹，不過整體上都滿意！
火炙魷魚海膽壽司
21 瀏覽
0 讚好
0 留言
秋刀魚三點壽司盛合 — 秋刀魚壽司；新鮮秋刀魚配以薑蔥花，魚肉軟身但彈牙，唔腥，正值時令！薑蔥花令到味道層面更加豐富，唔會太單調～值得大家一試！
秋刀魚
13 瀏覽
0 讚好
0 留言
白子壽司；所謂白子者，魚之精巢；白子壽司又係新嘗試，絕大部分香港都冇。已咁大粒又肥美既白子當然來自鱈魚，加上又係正值時令，不時不食！白子其實冇腥味，不過師傅為求刺激味蕾，加酒去醃制，轉身一變成為白子壽司，口感真係似食緊生腸～女人食最好不過，具美膚功效。
白子壽司
27 瀏覽
0 讚好
0 留言
火炙長腳蟹；長腳蟹自助餐好常見～壽司都比較少見，蟹肉鮮甜，蟹肉表面燒至少少乾身，但入面非常鮮甜，如果牙力好既朋友，可以連同蟹腳殼既肉挑黎食。
火炙長腳蟹
10 瀏覽
0 讚好
0 留言
三文魚壽司，試呢樣就知道店內挑選三食材功力如何，三文魚啞色並且油脂分佈平均，新鮮貨色～口感魚肉結實，食唔到腥味，帶鮮甜。
椰子雪葩 去親食壽司來來去去都係得橙，柚子選擇，實在有少少沈悶，椰子雪葩難得一見，二話不說即點黎食，黎到見到好大舊椰子，殼入面被雪葩填滿，兩個人食就最好，因為份量都幾多！
其實成晚一直都好多人去，壽司師傅都係一貫大和精神，以最專業既手藝呈上優質既壽司比客人，所以多人去係值得既！
張貼
