肯德基家鄉雞 (KFC)

營業中

休息中

今日買外賣等老婆收工佢話想食KFC，初初我都有少少抗拒，但佢好堅持就唯有買畀佢啦。抗拒嘅原因係不嬲覺得KFC又油淋淋，又唔好食，想不到今次竟然有意外驚喜！我哋都揀咗雞皇飯，都係一貫嘅質素啦，冇特別驚喜，但餸嘅份量都算多，雖然主要都係紅蘿蔔同埋薯仔，但冇所謂啦兩樣都幾好食。我哋叫咗M2嘅辣雞餐同M3嘅狂野香燒雞餐。老婆一打開個盒就已經拎咗香燒雞個雞胸放入口，影都影唔切。不過我今次反而要讚嘅係m2嘅辣雞，炸得好香口之餘唔算好油膩，最怕係一揭開層皮有一啖油漏出嚟嗰隻，但今次絕對冇。雞肉亦都剛好完全熟透不過火，抵贊抵贊。最後仲用每件七個半嘅價錢加咗2個葡撻,其實都幾貴，但老婆想食就照買啦。