茶狼 (已結業)

又有新台式飲品開咗, 當然第一時間去試啦~飲奶蓋系列會肥, 而且太飽肚, 開頭都係諗住試水果茶, 但睇睇下, 竟然有個叫珠珠甘蔗青茶, 好似冇咁肥, 又有其他台式飲品冇的甘蔗, 於是就試呢個~排隊人數唔算多, 但每個人都唔只買一杯飲品, 所以由排隊落單到拎走, 都差不多15分鐘, 已經唔係排哂長龍都要等咁耐, 真係不敢想像如果多人時, 究竟要等幾耐?入面都有好幾張枱可以堂飲, 而且d櫈仲好得意, 有d狼尾, 當個人坐上去就啱啱好, 而沖嘢飲的地方都係隔住塊玻璃, 可以見到沖茶過程, 但又唔會比街外人污染到~我杯珠珠甘蔗青茶係無糖無冰, 夠哂原汁原味, 咁先試到佢甘蔗味唔夠, 青茶味又太草青, 雖然d珠珠都算Q, 但都係硬咗少少, 都係一芳果d夠烟un~全部飲管或者用具都係自助, 自己要邊樣執邊樣, 如果叫得多杯, 真係慢慢一杯一杯咁用只狼塞住個杯口~