ABC餅屋

營業中

休息中

喺灣仔返工，同事介紹過我呢一間叫栗子包幾好食，成日午休心思思行過去，買唔同嘅西餅做下午茶，之前買過香橙朱古力威化，限購兩件。又食過菠蘿餡嘅菠蘿包，感覺OK，話說因為去過幾次，冇一次見過有拿破崙，完全唔知呢度有拿破崙賣，又係限購兩件，佢哋話要買四件先有盒。咁就total買咗兩件拿破崙，一件抹茶紅豆卷蛋，一件朱古力卷蛋，再加一個花籃，最尾因為個花籃太大件，仲唔落去分開袋，花籃幾好食，好犀利，可以做到蜂巢咁樣。不過唔係我鍾意食嘅嘢。拿破崙就係好傳統嘅拿破崙。足料幾好食，不過我最鍾意就係佢朱古力卷蛋嘅cream，係傳統港式餅店嘅cream，好有年代嘅味道。cream得來唔會太甜，又唔會太膩，配埋杯咖啡就好正。簡直係完美嘅下午茶。