膳德福素食 (已結業)

做完嘢，去到旺角，好想食素，上OR揾資料，見到評語唔錯就去試試。去到見到招牌好多塵呀，而玻璃門又睇唔太清楚店內，平時嘅我一定直行直過。星期六一點半，店內都幾多人。要了蕃茄濃湯雜菜烏冬和沽滷肉。個烏冬真係好大碗，好多烏冬，反而菜相對少，相信菜有輕輕炒過，湯面有啲油，而湯都真係幾濃，味道亦不錯，係烏冬唔彈牙。沽滷肉，我估肉係麵筋做嘅，有啲焾，唔太有咬口。好多醬汁，甜味為主，酸味只有少少，鐘意多醬汁嘅應該會幾鐘意呢味菜式。本來一心沖住佢嘅素水餃而嚟，點知嚟到餐牌寫住暫停，好傷心。賣單138，其實都幾多選擇，日，泰，中式素菜都有提供。如果喜歡素又想簡單的，是不錯的選擇。