影片
更多
2023-08-06
188 瀏覽
忽然發覺，已有好一陣子沒嚐過鐵板燒，係時候要去吃番餐，止止癮。若不是朋友介紹，我真完全唔知道原來沙田帝都酒店係有鐵板燒食，嗰個位仲要係我經過唔少次，竟然仍走漏眼。又是最遲一個來到，真唔好意思，甫坐低，就可以上套餐的野菜沙律，給大家作個熱身。一開波，師傅就整兩片入口溶化的拖羅來，咁快就想KO胃納細小的我嗎？鐵板燒既項目開始，鹽焗既鮑魚夠晒香噴噴，火焰咁款端上來很吸睛，大家當然是相機先食。師傅將之切成薄片，結合恰到好處既火侯，入口不韌，唔係齋玩花巧。扇貝薄切，口感仍保持彈牙，配上適量既調味，好吃，我唯一係覺得個汁多左啲。車海老新鮮，煎得香口，自然爽彈好食，唔需要玩咩花臣。作為食肉獸，我既目光由頭到尾都放在牛肉之上。大分縣的A5和牛，厚燒，生熟程度交由師傅發辦，粒粒入口溶化，脂香滿溢，夾埋炸蒜片食是皇道。旁邊的翠肉瓜、粟米仔等，有助中和一下。不吃牛的朋友改食魚，又試了一點。魚肉嫩滑不在話下，魚皮煎至脆卜卜，令成件事生色不少。剛才的車海老好食，但口感始終不及伊勢海老，加埋龍蝦羔，吃得我津津有味。之後是邪惡既鵝肝，甘香好食到一個點，懶理咩超唔超標，食左先講。平時食鐵板燒，去到炒飯環節好多時我都已
忽然發覺，已有好一陣子沒嚐過鐵板燒，係時候要去吃番餐，止止癮。若不是朋友介紹，我真完全唔知道原來沙田帝都酒店係有鐵板燒食，嗰個位仲要係我經過唔少次，竟然仍走漏眼。
又是最遲一個來到，真唔好意思，甫坐低，就可以上套餐的野菜沙律，給大家作個熱身。
一開波，師傅就整兩片入口溶化的拖羅來，咁快就想KO胃納細小的我嗎？
鐵板燒既項目開始，鹽焗既鮑魚夠晒香噴噴，火焰咁款端上來很吸睛，大家當然是相機先食。師傅將之切成薄片，結合恰到好處既火侯，入口不韌，唔係齋玩花巧。
扇貝薄切，口感仍保持彈牙，配上適量既調味，好吃，我唯一係覺得個汁多左啲。
車海老新鮮，煎得香口，自然爽彈好食，唔需要玩咩花臣。作為食肉獸，我既目光由頭到尾都放在牛肉之上。大分縣的A5和牛，厚燒，生熟程度交由師傅發辦，粒粒入口溶化，脂香滿溢，夾埋炸蒜片食是皇道。旁邊的翠肉瓜、粟米仔等，有助中和一下。
不吃牛的朋友改食魚，又試了一點。魚肉嫩滑不在話下，魚皮煎至脆卜卜，令成件事生色不少。
剛才的車海老好食，但口感始終不及伊勢海老，加埋龍蝦羔，吃得我津津有味。
之後是邪惡既鵝肝，甘香好食到一個點，懶理咩超唔超標，食左先講。
平時食鐵板燒，去到炒飯環節好多時我都已經投降，是晚雖然好飽，不過師傅呢個煙肉櫻花蝦炒飯又真係香口乾爽好味，結果都食左半碗。
大魚大肉既一餐，臨尾有啲菜去平衡下，是有必要的。
以一球清新的雪糕作結，滿足到一個點。食鐵板燒套餐，樽裝清酒會有九折，幾歹整番枝高興下。
張貼
