影片
更多
2019-09-30
333 瀏覽
早幾日放工同舊同事黎食飯，之前食過一次，今次發現有新餐牌，鐵板系列，我見唔貴就叫左一款試試B餐）安格斯牛西冷扒餐上枱時嘩左一聲，塊扒同個鐵板一樣大而且聞落幾香！ 生熟度我揀左5成，岩岩好粉紅色肉，又不帶血，好嫩。而且塊扒都幾有厚度，食落juicy, 又唔韌味道方面我揀左黑松露汁，好重黑松露味，有驚喜！！跟餐配上薯條，但我已經加左錢食鹹蛋黃金薯條，所以呢個普通版就唔多講啦，都有少少脆的。加左$28換鹹蛋黃金薯條，呢款薯條唔係有一大pat鹹蛋黃醬係面頭果種，而係剛剛好包住每一條薯條，幾均勻地每條都有鹹蛋黃嘅鹹香味而且好脆口，推介加錢試跟餐有南瓜湯同埋牛角包，南瓜湯到幾足料，好滑。水牛城雞翼呢款水牛城雞翼適合重口味人士食，係好入味的雞翼D醬汁酸酸甜甜地，好開胃秘製原隻菲律賓膏蟹燉飯主角黎啦雖然呢款燉飯話要等15分鐘，但其實都幾快，食食下野就黎左。 一開始都覺得價錢有點貴，但同事話想試就order左。食完之後就好想推介俾其他同事試首先個蟹蓋好多膏，我同同事一人一半都覺得食左好多膏咁。跟住每邊蟹肉都有蟹膏而且蟹肉扎實，多肉食個飯都好好食！！本來覺得個蟹咁正都值回票價啦， 食埋個飯就真係抵！飯入面
B餐）安格斯牛西冷扒餐
上枱時嘩左一聲，塊扒同個鐵板一樣大而且聞落幾香！ 生熟度我揀左5成，岩岩好粉紅色肉，又不帶血，好嫩。而且塊扒都幾有厚度，食落juicy, 又唔韌味道方面我揀左黑松露汁，好重黑松露味，有驚喜！！
跟餐配上薯條，但我已經加左錢食鹹蛋黃金薯條，所以呢個普通版就唔多講啦，都有少少脆的。
加左$28換鹹蛋黃金薯條，呢款薯條唔係有一大pat鹹蛋黃醬係面頭果種，而係剛剛好包住每一條薯條，幾均勻地每條都有鹹蛋黃嘅鹹香味而且好脆口，推介加錢試
跟餐有南瓜湯同埋牛角包，南瓜湯到幾足料，好滑。
水牛城雞翼
呢款水牛城雞翼適合重口味人士食，係好入味的雞翼D醬汁酸酸甜甜地，好開胃
秘製原隻菲律賓膏蟹燉飯
主角黎啦雖然呢款燉飯話要等15分鐘，但其實都幾快，食食下野就黎左。 一開始都覺得價錢有點貴，但同事話想試就order左。食完之後就好想推介俾其他同事試
首先個蟹蓋好多膏，我同同事一人一半都覺得食左好多膏咁。跟住每邊蟹肉都有蟹膏而且蟹肉扎實，多肉食個飯都好好食！！本來覺得個蟹咁正都值回票價啦， 食埋個飯就真係抵！飯入面好多蟹黃，分布得好均勻，每一啖都有蟹味
打卡送的水果茶：
打打下食評都好懷念個燉飯
張貼
