時新漢堡飽 (已結業)

時新簡直係我兒時既回憶，雖然依家搬左新地址，但都係在紅磡區，咁就腳可以繼續幫襯。雙層漢堡芝士蛋包($35)，揀左牛肉漢堡配時新醬，漢堡重牛味，而且鎖到肉汁在裏面，醬汁甜甜地，好夾。吉列牛扒包($28)，外層吉列粉漿好鬆脆，外脆內軟腍。炸薯條($22)，夠熱辣辣，而且仲係兒時回憶既波浪紋薯條。黑椒雞脾($27)，先將雞脾炸過，另外配上黑椒汁，黑椒味濃郁，雞脾好香脆，而且唔乾身，仲有都幾大隻。菠蘿冰($23)，首先夠晒冰涼，而且仲有大大粒菠蘿肉。凍檸檬利賓納($23)，味道唔會太甜，同樣冰冰涼涼咁，好爽。