Moomin Cafe (已結業)

嗰日因工作嘅需要，去咗尖沙咀海港城，諗住順便係嗰到搵食~~同行嘅朋友就提議去姆明Cafe，我當然樂意奉陪啦!!!!晏晝兩點左右去到，門口無人排隊，入面都唔係太多客人，所以有一種很悠閒嘅感覺~內部環境都好靚，四圍都擺滿姆明同姆明朋友嘅裝飾同公仔，而坐係我隔離正正就係姆明公仔!!(店員會不定期轉換啲公仔嘅位置，所以大家可以安坐位到，等待唔同嘅"公關"黎)午餐嘅餐牌選擇唔係太多而呢啲卡通主題嘅餐廳啲野通常都好䏲唔好食 但係我真心覺得呢間啲嘢食OK嘅，比我想像中好味我就嗌咗一個姆明Café拼盤同姆明之家蛋糕share ，不過唔知點解竟然上咗甜品先 lol而呢個甜品，除咗有熱香餅配焦糖同香蕉之外，其實仲有焦糖布甸、士多啤梨啫喱同芒果慕絲🍋嫁!!!食完仲可以拎隻細細嘅膠製公仔走添～(大家可以找找史歷奇）雖然姆明Café啲甜品好靚，但係甜品係不能醫肚餓嘅姆明Café拼盤終於都黎喇其實唔係好明點解叫拼盤??因為係香草醬煎龍利柳，再配上由白飯整成嘅姆明同樹精圖案，不過味道比一般主題café好～我加多30蚊，就係為咗要杯靚靚嘅史歷奇綠茶鮮奶咖啡，樣係幾靚嘅，但係味就好苦澀食完之後就要趕番公司lu~~