豪華餅店 (已結業)

好耐已經冇幫襯過呢一間餅店，因為某一切蛋糕事件令到佢再次紅起上嚟，亦都令我再次記得佢嘅存在，佢哋嘅蛋撻係非常出名，你中學嘅時候已經開始幫襯。自己都鍾意食邪惡嘅酥皮蛋撻，雖然係重重嘅牛油極度邪惡，但係就鍾意食嗰種酥脆嘅感覺佢哋嘅蛋漿都唔會過甜。將個蛋撻買返屋企再跟一杯熱茶食就一流啦，但係熱辣辣嘅蛋撻又點可以等到返屋企呢。所以相都影唔切就已經俾我食咗啦。另外一樣嘢要推介嘅就係佢哋嘅卷蛋，特別之處呢就係其實嗰啲卷蛋係有花生味㗎，呢一種口味喺出邊都幾難食得到，大家除咗食蛋撻之外就不妨試吓啦。其實佢哋嘅蛋糕都好有懷舊嘅味道，味道亦都唔俾出邊所謂嘅估早味蛋糕差。