麵麵店 (已結業)

車仔麵係我的童年回憶，但而家唔多地方有得食，來到寶琳竟然比我搵到大大個小儀嘜頭車仔麵，上星期無食lunch，我同老公3點去食好似餓鬼上身一樣，有大食大。手機點餐夠曬方便，我叫左油麵，蘿蔔鮮甜，墨魚條夠彈牙，蟹子丸爆料爆醬，正！另外酸齊同麻辣蓮藕會分開上，味道唔好比湯沖淡曬，食到最低見到湯底都無油淋淋，值得一讚。老公比我食得仲多，麻辣鴨腎有咬口，豆腐夠滑，雞亦夠入味，魚蛋一粒一口但好彈牙，豬皮豬紅更加係兒時必食的，而家大商場內都可以食到兒時回憶，實在太開心了。