薯仔屋 (已結業)

前幾日帶咗個姪仔去銅鑼灣玩，諗緊食咩嘢嘅時候突然之間諗起細個放學成日會同同學去嘅薯仔屋😃上到去個環境同我以前去嘅時候都冇咩大分別，一樣係咁多嘢玩，搞到我啲童年回憶都出晒嚟。首先櫃入邊有大量嘅模型，同埋周圍都擺滿曬男仔女仔都鍾意玩嘅玩具。中間仲有個足球機，大人小朋友都啱玩。見到都好多對父母帶埋小朋友一齊黎玩👍至於食物方面諗唔到質素都有中上，我哋今日叫咗個set黎食！首先前菜嘅係有凱撒沙律同埋芝士蒜蓉包，不過不失啦，我自己就好鍾意食過凱撒沙律啦。之後要大推嘅就係呢度嘅蜜汁焗雞翼，呢個雞翼讀得好惹味，而且雞翼皮覺得好香脆，一咬落去啲雞嘅肉汁咇晒出嚟 so nice!!! 主菜方面就有一個rib 同埋一個意粉。呢一度個rib 原來都幾出名㗎，係必食推介。我姪仔食到連啲骨都想吞埋咁樣哈哈。主要係因為呢度嘅醬汁好好味，燒到個rib 好香口，小朋友就最鍾意食呢啲香口野👍另外我就比較鍾意個意粉啦，而且個意粉份量好大，三至四個人食都得👍醬汁唔辣小朋友都啱食而且個意粉軟硬程度適中，餐廳處理得都10分唔錯。另外小朋友最鍾意呢度嘅特色飲品，呢度既飲品list有勁多款，實一款啱你嘅心水😂今日叫咗兩杯我就比較鍾意