食記餐廳

營業中

休息中

以前細個住咗喺呢一區好多年,放咗學會間唔時同媽媽落嚟食碗仔翅加魚肉，好熱滴晒汗都一路食,加好多好淺色嘅紅醋同埋胡椒粉😆咁多年冇食魚肉都係好煙韌彈牙,雖然明知道係化學嘢加魚肉,但係我相信住南區嘅朋友都有好深刻嘅回憶.今日我冇買到碗仔翅魚肉，而係買咗炸燒賣同炸雲吞,兩樣嘢都係炸定先，你叫嘅時候佢再翻炸，但係炸得好乾身,雖然啲油係萬年油好深色,但係間唔時一次半次冇所謂啦😆 雲吞入邊有層好薄嘅魚肉,雲吞皮炸得好脆同埋唔太油。燒賣係魚肉燒賣，要黎炸真係一流。