California Pizza Kitchen (黃埔天地美食坊)

營業中

休息中

呢間餐廳以前喺北美已經食開，當年喺黃埔開真係好興奮，但係近期好少返嚟黃埔呢邊，但係最近朋友搬咗嚟呢邊，就決定同佢哋呢度食飯。呢度坐得好舒服，好多梳化位同卡位，晚餐嘅時候都可以好輕鬆咁樣食晚餐。首先叫咗半份泰國風味爽脆沙律，勁鍾意入邊有芫荽同雞肉，配埋香脆嘅花生同雲吞皮，口感真係好脆卜卜，個泰式花生沙律醬亦都好rich。嚟得呢度就一定要嗌pizza，我朋友揀咗個秘製鮮蘑菇、辣肉腸、肉腸薄餅，我最鍾意呢度夠多mozzarella，店員更加會幫你多放cheeseshreds ，好好味！至於飲品，我要左cucumber revivier ，有好重嘅菠蘿同青瓜味，加埋薄荷同梳打水，真係好清新！另外朋友就要咗一杯passion lemonade，佢都話幾好飲。