影片
更多
2022-06-23
277 瀏覽
🔻新界探完親戚，唔熟路附近搵野食，見到呢間檸檬冰室裝修幾醒目，又貪就腳就入去食晚餐。冰室新淨光猛，室內鮮黃色做主色，裝修走年輕風格，令傳統的冰室感覺加上一份活力。🌕 秘製無骨海南雞配香茅油飯 💲68🌟海南雞飯看似最穩陣，事實上暗藏細節位。海南雞去骨值得一讚，去骨之餘無骨碎係重點，亦都係坊間唔少去骨海南雞飯既中伏位！試一試主角，雞係脾位同胸，唔特別肥，無雪味，合格，加上海南雞必配既酸辣醬汁同黑醬油，整體比我想像中超水準！🌕 板燒西冷扒伴吉列蝦配蘑菇汁，意粉 💲85🌟冰室食扒餐係必須，但可惜自己對鐵板感覺唔太好，就要碟上！西冷扒份量大，有厚度，仲要唔係豉油西餐果種梳打粉牛扒！加上一隻吉列蝦同色彩繽紛既茄醬意粉，即刻記起細細個屋企人帶去茶餐廳食扒餐果種開心而簡單既儀式感！🌕 瑞士雞翼 💲36🌟人大左就係貪心，一餐要叫小食先滿足！細細碟瑞士雞翼，食得出唔係單單用超級市場瑞士汁，無死咸死甜。雞翼亦都無煮到爛曬或者放到乾實曬👍🏾🌕 華田紅豆冰 跟餐+💲8🌟紅豆冰又係冰室必叫，見到有杯叫華田紅豆冰咁新穎，一於試試佢！粒粒紅豆煮得腍甜，估唔到華田味同紅豆冰咁夾，飲多兩啖發現咁夾既原因，原來有磨爛左既
新界探完親戚，唔熟路附近搵野食，見到呢間檸檬冰室裝修幾醒目，又貪就腳就入去食晚餐。
冰室新淨光猛，室內鮮黃色做主色，裝修走年輕風格，令傳統的冰室感覺加上一份活力。
🌕 秘製無骨海南雞配香茅油飯 💲68🌟
海南雞飯看似最穩陣，事實上暗藏細節位。
海南雞去骨值得一讚，去骨之餘無骨碎係重點，亦都係坊間唔少去骨海南雞飯既中伏位！
試一試主角，雞係脾位同胸，唔特別肥，無雪味，合格，加上海南雞必配既酸辣醬汁同黑醬油，整體比我想像中超水準！
🌕 板燒西冷扒伴吉列蝦配蘑菇汁，意粉 💲85🌟
冰室食扒餐係必須，但可惜自己對鐵板感覺唔太好，就要碟上！
西冷扒份量大，有厚度，仲要唔係豉油西餐果種梳打粉牛扒！加上一隻吉列蝦同色彩繽紛既茄醬意粉，即刻記起細細個屋企人帶去茶餐廳食扒餐果種開心而簡單既儀式感！
🌕 瑞士雞翼 💲36🌟
人大左就係貪心，一餐要叫小食先滿足！
細細碟瑞士雞翼，食得出唔係單單用超級市場瑞士汁，無死咸死甜。雞翼亦都無煮到爛曬或者放到乾實曬👍🏾
🌕 華田紅豆冰 跟餐+💲8🌟
紅豆冰又係冰室必叫，見到有杯叫華田紅豆冰咁新穎，一於試試佢！
粒粒紅豆煮得腍甜，估唔到華田味同紅豆冰咁夾，飲多兩啖發現咁夾既原因，原來有磨爛左既紅豆加入華田，味道變得更夾更融和！
食完呢餐諗返起細個果陣物質上享受比較少，屋企人帶去冰室食扒食紅豆冰就係最大既樂趣，得閒回味返呢種簡單有回憶既comfort food都唔錯！
睇返餐牌仲有好多特飲，有黑牛，白雪公主，蛋白杏仁茶，仲有啲特色食物好似檸檬牛油雞翼，下次可以encore!
張貼
