影片
更多
2018-07-09
1852 瀏覽
男友與他好朋友同日生日，故相約了一夥玩開嘅朋友仔相聚。生日飯完全由其中一個朋友仔拍板，喺邊度食，食乜，我地一行人事前完全唔知，因為唔知，所以嚟到呢度，真係萬分驚喜，好似走入咗童話國咁！好鍾意呢度嘅Decoration，場唔係話太大，牆壁上貼滿彩色波波牆紙，周圍都係玩具同公仔，瞬間有種胡桃夾子嘅感覺。我最鍾意就係呢度d燈，全部都係玩具飛機仔造型，相信都花了些心思才找得到。Board Game什麼的都一應俱全，去過很多同類型的Cafe，通常笑完玩完，食過D乜印象都冇乜，但距離寫呢篇文都成十日，我仍然好記得嗰日d食物，質素實在太出彩！🍽😋首先講下小食——芝士法式焗薯條（$53），條條薯條都係手指仔咁粗架，薯條脆得嚟唔會揸到滿手油，一口咬落去芝士同綿密嘅薯條夾得天衣無縫。因為有D茄汁係度，酸咪咪又唔會太漏。小食拼盤（$108），我最鍾意就係個雞翼同埋芝士波，雞翼醃得超入味；而芝士波用牙咬埋可牽絲，仲唔斷添😋到主食啦，每份主食都會配一杯特飲，所以個價錢都好抵！我地一人叫咗一份，第一個係粉紅索爾斯長通粉（$128）。上到嚟其實賣相都幾普通架，有幾分似肉醬通粉，食落口又唔係肉醬意粉隻茄汁味，反而奶奶
我最鍾意就係呢度d燈，全部都係玩具飛機仔造型，相信都花了些心思才找得到。
Board Game什麼的都一應俱全，去過很多同類型的Cafe，通常笑完玩完，食過D乜印象都冇乜，但距離寫呢篇文都成十日，我仍然好記得嗰日d食物，質素實在太出彩！🍽😋
首先講下小食——芝士法式焗薯條（$53），條條薯條都係手指仔咁粗架，薯條脆得嚟唔會揸到滿手油，一口咬落去芝士同綿密嘅薯條夾得天衣無縫。因為有D茄汁係度，酸咪咪又唔會太漏。
小食拼盤（$108），我最鍾意就係個雞翼同埋芝士波，雞翼醃得超入味；而芝士波用牙咬埋可牽絲，仲唔斷添😋
到主食啦，每份主食都會配一杯特飲，所以個價錢都好抵！我地一人叫咗一份，第一個係粉紅索爾斯長通粉（$128）。上到嚟其實賣相都幾普通架，有幾分似肉醬通粉，食落口又唔係肉醬意粉隻茄汁味，反而奶奶地，但味道係好嘅，雖然食完都唔知乜係粉紅索爾斯😂！
櫻花女燒鴨胸螺絲粉（$108），呢個好味，鴨胸微微煎過，柔軟又多汁，同螺絲粉、青紅椒一齊食口感多層次。
食咗咁多意粉，嚟個飯先，西班牙雞肉燉飯（$128）。佢D飯粒比較長身而尖，黏度就冇義大利整Risotto嗰隻米咁勁，口感比較清爽。飯有少少辣，每啖入口都有雞肉。雖然冇Risotto咁Creamy，但味道都正。
再嚟個多樣化選擇，菠蘿海鮮夏威夷Pizza（$188），Pizza是厚底，鮮蝦、魷魚圈、菠蘿都滿滿的，拎起一塊唔小心仲會跌餡，超級豐富。雖然厚底，但完全唔會Um口，熱辣辣真係好味過Pizza Hxt。
最後一個係煙三文魚黑松露忌廉天使麵，呢個麵真係超級Creamy，而且三文魚用料完全唔吝嗇，大大朵整成一朵玫瑰花樣，天使麵嘅粗細度極度索汁，但點索都唔會過腍。
嘢飲都好正，推薦花茶同酵素特飲，跟套餐配，酵素特飲裡面加了水果，另外還有以蘋果發酵嘅物質。酸酸甜甜配上蘇打飲料，寧捨解渴。
對了，這裏最大的一個特色，就是可以預訂靚靚甜品畫，可以來圖指定訂製，亦可以由師傅自由發揮。下面呢幅就係師傅自由發揮嘅，其實都已經好靚！
Cubby呢度真係親朋戚友一家大細聚會嘅好地方，好Game，有環境，有食物，而且價錢唔貴。成大班人慶祝生日又唔想去Party Room，呢度簡直係Perfect之選。
張貼
