影片
更多
2018-08-24
1753 瀏覽
在 OpenRice 找到這間最近紅館的日本料理，由日藉師傅打理，而且有提供 Omakase 架呢。侍應少男及日藉嬸嬸只懂少少廣東話啊，另有一位四眼嬸嬸就操流利廣東話。日藉嬸嬸作出最大努力用日文及有限廣東話單字嘗試通知我，因為有演唱會所以師傅太忙，所以做唔到 Omakase 呢。無緊要無緊要，我照菜牌散叫啦，辛苦晒喇。眼見各職員實在太忙，跑上跑落忙個不停，可能會感覺招呼不周或有所怠慢，這個諒解的。難得還保持態度友善，笑臉迎人，值得一讚。菜色罕見，新鮮感十足，好鬼有趣啊！主打日本平民食事，不用華麗卓頭，不用高昂食材，只需簡樸務實、熟練手腕、深厚內功已足夠。玉乃光，我多次查詢是否冰酒，嬸嬸亦回覆正確無誤。但我要的是倒出來會形成砂冰的酒喎，不是這支呢。叫價 $150 蚊細細支，醇度平凡，不夠甜美順喉。蘿蔔漬，只是室溫有點失色，夠冰涼會更可口。爽爽爽酸酸酸，最後來點甜甜餘韻，蠻開胃前菜，我地預備好開動喇 ﹗木魚絲冷醬油日本茄子，涼浸浸田園清爽的味道，使人很舒服呢。充滿水份爽脆茄子黏著咸香木魚絲直抵舌尖，在齒縫間跟淡醬油結合，意想不到的效果，驚喜的清甜可口。炸竹輪，摸不著頭腦的名字，上網查看一下
日藉嬸嬸作出最大努力用日文及有限廣東話單字嘗試通知我，因為有演唱會所以師傅太忙，所以做唔到 Omakase 呢。無緊要無緊要，我照菜牌散叫啦，辛苦晒喇。
眼見各職員實在太忙，跑上跑落忙個不停，可能會感覺招呼不周或有所怠慢，這個諒解的。難得還保持態度友善，笑臉迎人，值得一讚。
菜色罕見，新鮮感十足，好鬼有趣啊！主打日本平民食事，不用華麗卓頭，不用高昂食材，只需簡樸務實、熟練手腕、深厚內功已足夠。
玉乃光，我多次查詢是否冰酒，嬸嬸亦回覆正確無誤。但我要的是倒出來會形成砂冰的酒喎，不是這支呢。叫價 $150 蚊細細支，醇度平凡，不夠甜美順喉。
蘿蔔漬，只是室溫有點失色，夠冰涼會更可口。爽爽爽酸酸酸，最後來點甜甜餘韻，蠻開胃前菜，我地預備好開動喇 ﹗
木魚絲冷醬油日本茄子，涼浸浸田園清爽的味道，使人很舒服呢。充滿水份爽脆茄子黏著咸香木魚絲直抵舌尖，在齒縫間跟淡醬油結合，意想不到的效果，驚喜的清甜可口。
炸竹輪，摸不著頭腦的名字，上網查看一下，驚世發現呀！我太孤陋寡聞，學識淺薄咯，還以為係超鬆化香草味炸魚柳，原來真身係獅子狗魚蛋來的，剪開左就更難辨認。
日本原名係竹輪，各日本縣出產既竹輪都有所不同呢，用料用魚都不同。雖然只不過係炸魚蛋卷天婦羅，但魚味濃厚肉汁豐富，高質天婦羅炸漿像薄薄雲霧般，香脆不油膩包著勁彈魚蛋，美味值得一試。
鐵板燒日本香腸，其實我本來就很喜歡食美味腸仔架。吱吱聲攜著輕煙送到，自行親手兜炒兩下撈得均勻，炒洋蔥腸仔氣味飄香，誘惑無比。
淡紅色富光澤立立令好靚仔啊！熱辣辣進口，爆汁脆皮肉味突出，溫柔不嗆不濁，質素高檔，添上芥末籽醬更有風味。最後讓香噴噴濕潤帶甜洋蔥絲夾著品嘗，更更更滋味無窮。
鱆魚沙律，遲到的沙律。各食材都淡淡然，感覺十分悠然自在併湊出美麗外觀及攝人味道。簡單的調配，新鮮爽嫩蔬菜混上勁多極幼洋蔥絲，還有冰涼鮮茄肉，倒下泛濫般的沙律醋，酸咪咪搭上清新蔬果真的達至開胃醒神頂點。鱆魚片邊爽而白肉嚥韌，鮮甜多汁不乏海水咸香。撈埋酸汁真係百味雜陳，滿意得很！
刺生 5 點，設置精美，擺放得體，細心有序夠晒吸引。火炙金目鯛，魚脂極豐富的魚物非常適合火炙，部份油脂稍微溶化更加油潤，皮脆肉嫩搭甘甜魚油跣落口，魚皮焦香頂級享受。
火炙鰹魚，聯想到煎封吞拿魚柳，四面煎到全熟緊鎖肉汁，淺啡熟的味道比中間嫩紅生的濃一點，外鬆軟肉彈滑，煮理得不錯。鰹魚天生略瘦，所以油脂稍遜，使到魚甜味都較薄弱，明白的預料中事。
赤身吞拿魚，我當然最愛係特上粉紅的吞拿魚腩啦！這赤身都無令我失望喎，有閃亮的色澤，趙出鮮甜味道，而且餘韻能留在舌頭一段時間呢。
池魚厚切，結實彈滑好比肥豬肉，立立令的魚脂使我涶涎欲滴，甘甜味濃厚到由鼻孔噴出，正呀！帶子，簡單可愛又好味，最甜最棉最滑，滿分。
吞拿魚壽司，食刺生多過食壽司，不太好飯的我都會叫一兩件試試飯質。吞拿魚色澤比刺生粉紅，偏瘦唔夠肥喎，鬆軟帶微弱魚甜。飯粒有著少少甜醋香，不太濕不太腍，合格的。其實我叫兩件，只來一份，唯有自私食。
明太子飯團，簡約傳統非常地道，恰似身處日本家庭中，品嚐住家飯團感覺溫暖。第一次食熱辣辣的飯團，港式大路清一色都係室溫或冰凍的。脆卜卜紫菜大啖連餡咬，原來係鹽味飯團呢，隱約微弱醋味。師傅略為重手好咸喎，食不到任何無辣味極度日本風，不太啱口味。
喜之次，驚見我最喜愛的喜之次，一定要食立即叫！只雖 $120 蚊？食開要 $1200 蚊架喎，如何質素呢？又會似足一夜干既？風乾翻燒感覺濃厚，略咸且濁，嚴重欠缺鮮味欠肥美，乾硬鞋非凡，跟千二蚊條鮮魚有著天淵之別。
串燒併盤，雞中翼，燒雞翼我非常鍾意食，擘開燒還不失肉汁，沒醃洒鹽直燒，皮脆脆香口，不過不失。雞附，有雞軟骨在其中卜卜脆，油香出眾但肉鞋。大蔥雞肉偏乾，乾爭服但香口無比。雞腎乾硬微爽，都係麻麻。牛舌爽味濃，最好食係您喇。
食飽飽滿足地直殺紅館，城城我地黎喇 ﹗
玉乃光
$150
78 瀏覽
0 讚好
0 留言
蘿蔔漬
49 瀏覽
0 讚好
0 留言
木魚絲冷醬油日本茄子
39 瀏覽
0 讚好
0 留言
炸竹輪
27 瀏覽
0 讚好
0 留言
鐵板燒日本香腸
37 瀏覽
0 讚好
0 留言
鐵板燒日本香腸
25 瀏覽
0 讚好
0 留言
鱆魚沙律
20 瀏覽
0 讚好
0 留言
刺生 5 點，火炙金目鯛、火炙鰹魚、赤身吞拿魚、池魚厚切、帶子
34 瀏覽
0 讚好
0 留言
吞拿魚壽司
21 瀏覽
0 讚好
0 留言
明太子飯團
29 瀏覽
0 讚好
0 留言
喜之次
$120
32 瀏覽
0 讚好
0 留言
喜之次
$120
35 瀏覽
0 讚好
0 留言
串燒併盤，雞中翼、雞附、雞腎、大蔥雞肉
44 瀏覽
0 讚好
0 留言
串燒牛舌
19 瀏覽
0 讚好
0 留言
張貼
