HanMade Teahouse Cakes Flowers (已結業)

位置愉景灣愉景北廣場有一間簡約和風茶室HanMade Teahouse Cakes Flowers，室內環境清幽，主要以竹、木同埋白色做設計，由餐桌、座椅、裝飾到食具都統一風格，務求為客人創造一個既舒適又寫意嘅環境。Green Tea Pastry, Red Bean Pastry & Grape Pastry ＄30/pc先講中間粉紅色櫻花形態嘅菓子，紅豆蓉內餡做到濕潤得黎唔會甜，切開一塊一塊花瓣，入口嘅酥皮簿身鬆化跟紅豆蓉相融，不錯！之後，去到金黃色丸子形態嘅提子菓子，紫色嘅內餡剛好跟餅皮顏色成對比，好靚！同時提子蓉好香，提子嘅香氣充滿整個口腔與鼻腔。跟住要出場嘅就係粉紅色丸子形態嘅綠茶菓子，相對上比較遜色，綠茶味道唔明顯，不過綠色嘅內餡跟餅皮顏色都係成對比，展現心思！兩顆丸子菓子嘅餅皮都係偏乾而硬，呢點要留意。Jasmine Flower Organic Tea ＄38點左一壺茉莉花茶，呢度嘅花茶選用嘅沖泡材料都係有機。欣賞佢地嘅茉莉花茶清香唔會澀口，少少回甘，食完甜品飲呢款花茶有解膩效果。一壺嘅份量剛好適合二人用。總結，HanMade Teahouse Cakes Flower